ମୁମ୍ବାଇ: ଟାଇଗର ଶ୍ରଫ ଓ ରିତେଶ ଦେଶମୁଖଙ୍କ ଆକ୍ସନଭରା ଫିଲ୍ମ ‘ବାଗି 3’ ଶୁକ୍ରବାର ରିଲିଜ ହୋଇଯାଇଛି । ଫିଲ୍ମକୁ ନେଇ ଦର୍ଶକଙ୍କ ମଧ୍ୟରେ ଖୁବ୍ କ୍ରେଜ ମଧ୍ୟ ଦେଖିବାକୁ ମିଳୁଛି। ଫିଲ୍ମକୁ ଦର୍ଶକ ଓ କ୍ରିଟିକ୍ସଙ୍କ ମିଶ୍ରିତ ପ୍ରତିକ୍ରିୟା ମିଳିବାରେ ଲାଗିଛି। ଫିଲ୍ମରେ ଟାଇଗର, ରିତେଶଙ୍କ ସାନ ଭାଇ ଭୂମିକାରେ ଅଭିନୟ କରୁଛନ୍ତି । ପୂର୍ବରୁ ରିତେଶ ଫିଲ୍ମ ସେଟରୁ ଅନେକ ଫଟୋ ଓ ଭିଡିଓ ସେୟାର କରିସାରିଛନ୍ତି । ଆଉ ଏବେ ନିଜର ଏକ ରୋମାଣ୍ଟିକଭରା ଫଟୋ ସେୟାର କରି ଚର୍ଚ୍ଚାରେ ସେ । ଯେଉଁଥିରେ ସେ କିଙ୍ଗ ଖାନ ଶାହରୁଖଙ୍କ ସିଗ୍ନେଚର ପୋଜ ଦେଉଥିବାର ନଜର ଆସୁଛନ୍ତି।
ଟ୍ବିଟର ଆକାଉଣ୍ଟରେ ଫଟୋ ସେୟାର କରି ସେ କ୍ୟାପସନରେ ଲେଖିଛନ୍ତି, ‘ଆକ୍ସନ ମଧ୍ୟରେ ଟିକେ ରୋମାନ୍ସ।’ ଫଟୋରେ ସେ ଦୁଇଟି ଟ୍ୟାଙ୍କ ଉପରେ ଠିଆ ହୋଇ ଶାହରୁଖଙ୍କ ସିଗ୍ନେଚର ପୋଜ ଦେଇଛନ୍ତି । ଯାହାକୁ ବର୍ତ୍ତମାନ ଫ୍ୟାନ୍ସ ଖୁବ୍ ପସନ୍ଦ କରିବାରେ ଲାଗିଛନ୍ତି ।
ପ୍ରକାଶ ଥାଉକି ‘ବାଗି 3’ ଭାରତରେ 4400 ସ୍କ୍ରିନରେ ରିଲିଜ ହୋଇଛି । ସେହିପରି ବିଦେଶରେ ଫିଲ୍ମକୁ ପାଖାପାଖି 1100 ସ୍କ୍ରିନ ମିଳିଛି। ସମୁଦାୟ ଫିଲ୍ମକୁ ୱାର୍ଲ୍ଡୱାଇଡ 5500 ସ୍କ୍ରିନ୍ସରେ ରିଲିଜ କରାଯାଇଛି। ଯାହା ଟାଇଗରଙ୍କ ଜୀବନର ସବୁଠାରୁ ବଡ ରିଲିଜ ହୋଇଛି । ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି ନିର୍ଦ୍ଦେଶକ ଅହମ୍ମଦ ଖାନ।
