ମୁମ୍ବାଇ: ପୁରା ଦୁନିଆରେ କୋରୋନା ଭୟ। ଭାରତରେ ଏଯାବତ ଏହି ରୋଗରେ ସଂକ୍ରମିତ ମାମଲା 116ରେ ପହଞ୍ଚିଲାଣି । କୋରୋନା ଭାଇରସକୁ ନେଇ ବଲିଉଡ ସେଲିବ୍ରିଟି ମଧ୍ୟ ଗମ୍ଭୀର ନଜର ଆସୁଛନ୍ତି। ଇତିମଧ୍ୟରେ ଖବର ଜୋର ଧରିଛି ଯେ କୋରୋନା ଭାଇରସ ସଂକ୍ରମିତ ଲୋକ ମେଡିକାଲରୁ ପଳାଉଛନ୍ତି । ଯାହାଦ୍ବାରା ଅନ୍ୟ ଲୋକଙ୍କ ଭୟ ବଢିଚାଲିଛି । ଏହି ଖବର ସାମ୍ନାକୁ ଆସିବା ମାତ୍ରେ ଫେମସ ଅଭିନେତା ରିତେଶ ଦେଶମୁଖ ଓ ବିପାଶା ବାସୁ ନିଜ ନିଜ ପ୍ରତିକ୍ରିୟା ରଖିଛନ୍ତି ।
ବିପାଶା ଟ୍ବିଟ କରି ଲେଖିଛନ୍ତି, ‘ଲୋକ ଏତେ ଦାୟିତ୍ବହୀନ କିପରି ହେଉପାରୁଛନ୍ତି । ନାଗରିକତା ରୂପେ ଆମ ସମସ୍ତଙ୍କୁ ସଚେତନ ହେବା ଦରକାର। ଆଉ ଦାୟିତ୍ବହୀନ କାମ କରିବା କଥା ନୁହେଁ। ଆମେ ସରକାରଙ୍କୁ ସବୁ ପରିସ୍ଥିତିରେ ସାହାଯ୍ୟ କରିବା ଦରକାର। ଯାହାଦ୍ବାରା ଏପରି ଅବସ୍ଥାରୁ ଆମ ଶୀଘ୍ର ବାହାରିପାରିବା।’
ଅନ୍ୟପଟେ ରିତେଶ ମଧ୍ୟ ଟ୍ବିଟ କରି ଲେଖିଛନ୍ତି, ‘ଏହା ଦାୟିତ୍ବହୀନ କାମ। ସରକାର ଓ ମେଡିକାଲ ପ୍ରଶାସନକୁ ଆପଣଙ୍କ ସାହାଯ୍ୟ କରିବାକୁ ଦିଅନ୍ତୁ। ଆପଣ ନିଜ ବନ୍ଧୁ, ପରିବାର ଓ ଅନ୍ୟ ଲୋକଙ୍କ ସୁରକ୍ଷା ସହ ଖେଳିପାରିବେ ନାହିଁ। ଆମେ ସମସ୍ତେ ସୈନିକ, ଆମକୁ ଏକାଠି ଲଢିବାକୁ ପଡିବ। ଇଣ୍ଡିଆ ୟୁନାଇଟେଡ।’
ପ୍ରକାଶ ଥାଉକି ମହାରାଷ୍ଟ୍ରରେ ସବୁଠୁ ଅଧିକ କୋରୋନା ସଂକ୍ରମିତ ମାମଲା ସାମ୍ନାକୁ ଆସିଛି । ରାଜ୍ୟ ପ୍ରଶାସନ କିଛି ପ୍ରମୁଖ ଧାର୍ମିକ ଓ ପର୍ଯ୍ୟଟନ ସ୍ଥଳିକୁ ବନ୍ଦ କରିବାର ନିଷ୍ପତ୍ତି ନେଇଛନ୍ତି । ମହାରାଷ୍ଟ୍ରରେ ଏଯାବତ 37 କେସ ଚିହ୍ନଟ ହୋଇସାରିଲେଣି ।
