ମୁମ୍ବାଇ: କିଛି ଦିନ ହେଲା ବିଶିଷ୍ଟ ଅଭିନେତା ଋଷି କପୁର ଭାରତ ଫେରିବା ଖବର ଶୁଣିବାକୁ ମିଳିଆସୁଥିଲା । ଇତିମଧ୍ୟରେ ଋଷି ଏମାସରେ ଭାରତ ଫେରିବା ଖବରକୁ ଖଣ୍ଡନ କରିଛନ୍ତି । ଆଶା କରାଯାଇଥିଲା କି ଆମେରିକାରେ ନିଜ ଚିକିତ୍ସା ଶେଷ କଲା ପରେ ସେ ଖୁବ୍ ଶୀଘ୍ର ଭାରତ ଫେରିପାରନ୍ତି । ପ୍ରକାଶ ଥାଉକି ଋଷି ନିଜର ଜଣେ ବନ୍ଧୁଙ୍କୁ କହିଥିଲେ କି ମାର୍ଚ୍ଚ ଶେଷ ସୁଦ୍ଧା ସେ ଭାରତ ଫେରିଆସିବେ । ଅନ୍ୟପଟେ ଯେତେବେଳେ ତାଙ୍କ ସହ ଆମେରିକାରେ ସମ୍ପର୍କ କରାଯାଇଥିଲା, ଋଷି ନିକଟ ଭବିଷ୍ୟତରେ ଭାରତ ଫେରିବା ଖବରକୁ ଖଣ୍ଡନ କରିଥିଲେ ।
ସ୍ବାସ୍ଥ୍ୟ ବିଷୟରେ ପ୍ରଶ୍ନ କରାଯିବାରୁ ଋଷି କହିଥିଲେ ଚିକିତ୍ସା ପରେ ସେ ବର୍ତ୍ତମାନ ଠିକ୍ ଅଛନ୍ତି । କିନ୍ତୁ ସ୍ବାସ୍ଥ୍ୟ ଠିକ୍ ହେବା ପ୍ରକ୍ରିୟାରେ ସମୟ ଲାଗୁଛି । କପୁର ପରିବାରର ସମ୍ପର୍କୀୟଙ୍କ ଠାରୁ ଶୁଣିବାକୁ ମିଳିଥିଲା କି ଋଷି ଘରକୁ ଫେରିବା ପାଇଁ ଆତୁର ଏବଂ ଉତ୍ସୁକ ଅଛନ୍ତି । ସେ ପୁଅ, ଅଭିନେତା ରଣବୀର କପୁରଙ୍କ ବିବାହ ଅଭିନେତ୍ରୀ ଆଲିୟା ଭଟ୍ଟଙ୍କ ସହ କରିବାକୁ ମଧ୍ୟ ପ୍ରସ୍ତୁତ ଅଛନ୍ତି । ଏହା ପାଇଁ ସେ ଦିନ ଗଣିବାରେ ଆରମ୍ଭ କରିଦେଇଛନ୍ତି ।
ଖବର ଅନୁଯାୟୀ ଋଷି ବର୍ତ୍ତମାନ ଭାରତ ଫେରିବା ସ୍ଥିତିରେ ନାହାଁନ୍ତି । ତାଙ୍କ ଚିକିତ୍ସା ଧୀରେ ଧୀରେ ଚାଲିଛି । ଆଶା କରାଯାଉଛି ଯେ ସେ ଆଉ କିଛି ମାସ ପରେ ଭାରତ ଫେରିବେ ।
