ମୁମ୍ବାଇ: ଅନେକ ଦିନ ଅପେକ୍ଷା ପରେ ସେକ୍ସୀ ଅଭିନେତ୍ରୀ ରିଚା ଚଡ୍ଡାଙ୍କ ବହୁ ଚର୍ଚ୍ଚିତ ଫିଲ୍ମ ‘ସକିଲା’ର ଟିଜର ଭିଡିଓ ରିଲିଜ କରିଦେଇଛନ୍ତି ମେକର୍ସ । ଯାହାକୁ ଦେଖିବାକୁ ବ୍ୟାକୁଳ ଥିଲେ ସମସ୍ତେ । ସେହିପରି ଆସନ୍ତା ଖ୍ରୀଷ୍ଟମାସରେ ଫିଲ୍ମ ରିଲିଜ କରିବାକୁ ଯୋଜନା କରାଯାଇଛି । ଏବେ ଟିଜର ଭିଡିଓକୁ ନେଇ ଦର୍ଶକଙ୍କ ଏକ୍ସାଇଟମେଣ୍ଟ ଦୁଇଗୁଣ ବଢିଯାଇଛି । ଯାହା ସମସ୍ତଙ୍କୁ 90 ଦଶକରେ ସାମିଲ କରୁଛି । ଅନ୍ୟପଟେ ରିଚାଙ୍କ ଦମଦାର ଅଭିନୟ ଦେଖି ଖୁସି ଫ୍ୟାନ୍ସ । ଆଉ ଫିଲ୍ମ ଦେଖିବାକୁ ଅପେକ୍ଷା କରି ବସିଛନ୍ତି ।
ଟିଜର ରିଲିଜ ହେବା ଅବସରରେ ରିଚା କହିଛନ୍ତି, ‘ଫିଲ୍ମ ଟିଜର ରିଲିଜ ହୋଇଥିବାରୁ ମୁଁ ଖୁସି ଅନୁଭବ କରୁଛି । ଆଶା କରେ ଏହା ଦର୍ଶକଙ୍କ ଜୀବନରେ କିଛି ହସ ଏବଂ ମନୋରଞ୍ଜନ ଆଣିବ । ଆଉ ଏହି ବର୍ଷ ଏକ ଖୁସିର ନୋଟରେ ଶେଷ ହେବ ।’
- " class="align-text-top noRightClick twitterSection" data="">
ରିଚାଙ୍କ ସହ ଫିଲ୍ମରେ ମୁଖ୍ୟ ଭୂମିକାରେ ଅଭିନୟ କରୁଛନ୍ତି ଲୋକପ୍ରିୟ ଅଭନେତା ପଙ୍କଜ ତ୍ରିପାଠୀ । ଏହି ଦୁଇ କଳାକାରଙ୍କ ବ୍ୟତୀତ ମାଲାୟାଲମ ଆକ୍ଟର ରାଜୀବ ପିଲାଇ ମଧ୍ୟ ଫିଲ୍ମରେ ଦେଖାଯିବେ । ଟିଜର ରିଲିଜ ହେବା ପୂର୍ବରୁ ମଙ୍ଗଳବାର ଫିଲ୍ମରୁ ପଙ୍କଜଙ୍କ ଫାଷ୍ଟଲୁକ ପୋଷ୍ଟର ଜାରି କରାଯାଇଥିଲା ।
ପ୍ରକାଶ ଥାଉକି 1990 ଦଶକର ତାମିଲର ସେକ୍ସୀ ଅଭିନେତ୍ରୀ ସକିଲାଙ୍କ ଭୂମିକାରେ ନଜର ଆସିବେ ରିଚା । ଯିଏ ନିଜ ଦମଦାର ଅନ୍ଦାଜରେ ତାମିଲ, ତେଲୁଗୁ, ମାଲାୟାଲମ ଇଣ୍ଡଷ୍ଟ୍ରିରେ ନିଜ ଜଲୱା ଦେଖାଇଥିଲେ । ଅନେକ ଭାଷାରେ ଫିଲ୍ମ ରିଲିଜ କରିବାକୁ ଯୋଜନା କରିଛନ୍ତି ମେକର୍ସ । ଯାହାର ପ୍ରଯୋଜନା ଦାୟିତ୍ବ ତୁଲାଇଛନ୍ତି ସାମି ନାନୱାନି ଏବଂ ସାହିଲ ନାନୱାନି ।
