ମୁମ୍ବାଇ: ଅଭିନେତା ଭିନ୍ନ ଅନ୍ଦାଜ ନେଇ ପରଦାରେ ନଜର ଆସିବେ । ଦର୍ଶକଙ୍କୁ ନିଜ ଫିଲ୍ମ ପୋଷ୍ଟର ଜରିଆରେ ଇମ୍ପ୍ରେସ କରିବା ପରେ ଅକ୍ଷୟ ଓ ରିଚା ଚଡ୍ଡାଙ୍କ ଅଭିନୀତ ଫିଲ୍ମ ‘ସେକ୍ସନ 375’ର ଟିଜର ରିଲିଜ ହୋଇଯାଇଛି । ଏକ ମିନିଟ ଟିଜରରେ ଆପଣଙ୍କୁ ଜବରଦସ୍ତ କୋର୍ଟରୁମ ଡ୍ରାମା ଏବଂ ଦେଶ, ସମାଜର ଅପ୍ରିୟ ସତର ଝଲକ ଦେଖିବାକୁ ମିଳିବ ।
‘ସେକ୍ସନ 375’ ଫିଲ୍ମ ଭାରତର ଏକ ଗୁରୁତ୍ବପୂର୍ଣ୍ଣ ଆଇନ ଉପରେ ଆଧାରିତ । ଯେଉଁଥିରେ ଦେଶରେ ହେଉଥିବା ଦୁଷ୍କର୍ମ ମାମଲା ସମ୍ପର୍କରେ କୁହାଯାଇଛି । ଅକ୍ଷୟ ଖାନ୍ନା ଓ ରିଚା ଏହି ଫିଲ୍ମରେ ଓକିଲ ଭୂମିକାରେ ନଜର ଆସୁଛନ୍ତି ।
ଫିଲ୍ମରେ ରିଚା ଜଣେ ଶକ୍ତିଶାଳୀ ପବ୍ଲିକ ପ୍ରୋସିକ୍ୟୁଟର ହିରଲ ମେହତାଙ୍କ ଭୂମିକାରେ ଅଭିନୟ କରୁଛନ୍ତି । ଯିଏ ନିଜ ମହକିଲଙ୍କୁ ନ୍ୟାୟ ଦେବା ପାଇଁ ଲଢୁଛନ୍ତି । ଅନ୍ୟପଟେ ଅକ୍ଷୟ ଡିଫେନ୍ସ ଲୟର ତରୁଣ ସଲୁଜାଙ୍କ ଭୂମିକାରେ ଦେଖାଯିବେ । ଯିଏ ଜଣେ ଫିଲ୍ମ ନିର୍ଦ୍ଦେଶକଙ୍କ ପାଇଁ କେସ ଲଢୁଛନ୍ତି ।
- " class="align-text-top noRightClick twitterSection" data="">
ପ୍ରକାଶ ଥାଉକି ଭାରତୀୟ ସମାଜରେ ଦୁଷ୍କର୍ମ ମାମଲାକୁ ନେଇ ପର୍ଯ୍ୟବେସିତ ହୋଇଥିବା ଫିଲ୍ମ ‘ସେକ୍ସନ 375’ର ନିର୍ଦ୍ଦେଶନା ଦାୟିତ୍ବ ସମ୍ଭାଳିଛନ୍ତି ନିର୍ଦ୍ଦେଶକ ଅଜୟ ବହଲ । ପନୋରମା ଷ୍ଟୁଡିଓ ଏବଂ ଟି-ସିରିଜ ଦ୍ବାରା ନିର୍ମିତ ଏହି ଫିଲ୍ମର ପ୍ରଯୋଜନା କରିଛନ୍ତି ଭୂଷଣ କୁମାର, କୃଷ୍ଣା କୁମାର ଓ ଅଭିଷେକ ପାଠକ । ଫିଲ୍ମଟି ସେପ୍ଟେମ୍ବର 13ରେ ରିଲିଜ ହେବ ।
