ମୁମ୍ବାଇ: ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲା ସମ୍ପର୍କରେ ସିବିଆଇ ଏପର୍ଯ୍ୟନ୍ତ କୌଣସି ସିଦ୍ଧାନ୍ତରେ ପହଞ୍ଚିପାରି ନାହିଁ । ଏହି ମାମଲାରେ ସୁଶାନ୍ତଙ୍କ ଗାର୍ଲଫ୍ରେଣ୍ଡ ରିଆ ଚକ୍ରବର୍ତ୍ତୀ କିଛି ମାସ ପୂର୍ବରୁ ବମ୍ବେ ହାଇକୋର୍ଟ ଜାମିନରେ ବାହାରକୁ ଆସିଥିଲେ । ଏବେ ରିଆଙ୍କ ଏକ ଭିଡିଓ ସାମ୍ନାକୁ ଆସିଛି । ଯେଉଁଥିରେ ସେ ବାନ୍ଦ୍ରା ରାସ୍ତାରେ ନଜର ଆସିଛନ୍ତି ।
ଏହି ଭିଡିଓରେ ରିଆ ରାସ୍ତାରେ ଥିବା ଫୁଲବାଲାଙ୍କ ଠାରୁ ଫୁଲ କିଣୁଥିବାର ନଜର ଆସିଛନ୍ତି । ଏବେ ରିଆଙ୍କ ଏହି ଭିଡିଓ ଖୁବ୍ ଭାଇରାଲ ହେବାରେ ଲାଗିଛି ।
ଏହି ଭିଡିଓରେ ରିଆ ତାଙ୍କ କାରରୁ ଓହ୍ଲାଇ ରାସ୍ତାରେ ଥିବା ଫୁଲ ଦୋକାନରେ ପହଞ୍ଚି ଫୁଲ କିଣିଥିବାର ନଜର ଆସିଛନ୍ତି । ଏଥିସହିତ ତାଙ୍କ ସାମ୍ନାରେ ଥିବା କ୍ୟାମେରାମ୍ୟାନକୁ ଦେଖି ସେ ହାତ ଯୋଡୁଥିବାର ଦେଖିବାକୁ ମିଳିଛି ।
ଏହି ଭିଡିଓରେ ରିଆ କହୁଛନ୍ତି, ‘ୟାର, ମୁଁ ଫୁଲ କିଣିବାକୁ ଆସିଛି, ଯାଅ ତମେ ମାନେ ।’
ଭିଡିଓ ସୌଜନ୍ୟ...ଭାଇରାଲ ଭୟାନୀ..ଦେଖନ୍ତୁ...
- " class="align-text-top noRightClick twitterSection" data="
">
ରିଆଙ୍କ ଏହି ଭିଡିଓକୁ ଦେଖି ଏବେ ସୋସିଆଲ ମିଡିଆରେ ବହୁ ୟୁର୍ଜସ ତାଙ୍କୁ ଟ୍ରୋଲ କରିବା ଆରମ୍ଭ କରିଦେଇଛନ୍ତି । ଜଣେ ୟୁର୍ଜସ କହିଛନ୍ତି- ତାଙ୍କୁ ପ୍ରୋମୋଟ କରନ୍ତୁ ନାହିଁ । ଅନ୍ୟ ଜଣେ ୟୁର୍ଜସ ଲେଖିଛନ୍ତି ଯେ, ସେ କାହା ପାଇଁ ଏହି ଫୁଲ କିଣୁଛନ୍ତି, ଏବେ କିଏ ନୂଆ ? ତୃତୀୟ ଜଣେ ୟୁର୍ଜସ ଲେଖିଛନ୍ତି, ସୁଶାନ୍ତଙ୍କ ଜନ୍ମଦିନ ପୂର୍ବରୁ ଡ୍ରାମା ।
ଆସନ୍ତାକାଲି ଅର୍ଥାତ୍ ଜାନୁଆରୀ 21 ହେଉଛି ସୁଶାନ୍ତ ସିଂ ରାଜପୁତଙ୍କ ଜନ୍ମଦିନ । ଏବେ ଠାରୁ ଟ୍ବିଟରରେ 'ଓ୍ବାନ ଡେ ଫର ଏସ ଏସ ଆର' ଟ୍ରେଣ୍ଡ କରୁଛି ।
ପ୍ରକାଶ ଥାଉ ଯେ,ଗତ ବର୍ଷ ସୁଶାନ୍ତଙ୍କ ମୃତ୍ୟୁ ମାମଲାରେ ସମ୍ପୃକ୍ତ ଥିବା ଡ୍ରଗ୍ସ ସମ୍ବନ୍ଧୀୟ କେସରେ ଏନସିବି ଦ୍ବାରା ରିଆ ଏବଂ ତାଙ୍କ ଭାଇ ସୌଭିକ ଚକ୍ରବର୍ତ୍ତୀ ଗିରଫ କରାଯାଇଥିଲା ।
