ହାଇଦ୍ରାବାଦ: ୟଶ ରାଜ ପ୍ରଡକ୍ସନ୍ସର ବହୁ ପ୍ରତୀକ୍ଷିତ ରଣବୀର କପୁରଙ୍କ ଅଭିନୀତ ଚଳଚ୍ଚିତ୍ର 'ଶମଶେରା'ର ରିଲିଜ୍ ତାରିଖ ସାମ୍ନାକୁ ଆସିଛି। ରଣବୀରଙ୍କ ପ୍ରଶଂସକମାନେ ଉତ୍ସାହର ସହିତ ଏହି ଚଳଚ୍ଚିତ୍ରକୁ ଦୀର୍ଘ ସମୟ ଅପେକ୍ଷା କରିଥିଲେ । ୟଶ ରାଜ ବ୍ୟାନର ସୋସିଆଲ ମିଡିଆରେ ଫିଲ୍ମର ରିଲିଜ ତାରିଖ ଘୋଷଣା କରିଛନ୍ତି। ଫିଲ୍ମ 'ଶମଶେରା' 2022 ଜୁଲାଇ 22 ରେ ପ୍ରେକ୍ଷାଳୟରେ ମୁକ୍ତିଲାଭ କରିବ । ଏହା ପୂର୍ବରୁ ଖବର ଥିଲା ଯେ ଫିଲ୍ମଟି ମାର୍ଚ୍ଚ 18 ରେ OTT ପ୍ଲାଟଫର୍ମରେ ମୁକ୍ତିଲାଭ କରିବ ।
- " class="align-text-top noRightClick twitterSection" data="
">
ରଣବୀର କପୁର ଏହି ଚଳଚ୍ଚିତ୍ରରେ ମୁଖ୍ୟ ଭୂମିକାରେ ନଜର ଆସିବେ । ତାଙ୍କ ବ୍ୟତୀତ ସଞ୍ଜୟ ଦତ୍ତ ଏବଂ ବାନି କପୁର ମଧ୍ୟ ଏହି ଫିଲ୍ମରେ ଏକ ମୁଖ୍ୟ ଭୂମିକାରେ ନଜର ଆସିବେ। ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି କରଣ ମଲହୋତ୍ରା। ଫିଲ୍ମର ପ୍ରଥମ ଲୁକ୍ ମଧ୍ୟ ବହୁ ପୂର୍ବରୁ ମୁକ୍ତିଲାଭ କରିଥିଲା ।
ୟଶ ରାଜ ଏକ ପୋଷ୍ଟର ସେୟାର କରିଛନ୍ତି, ଯେଉଁଥିରେ ଅଭିନେତା ଲମ୍ବା କେଶରେ ନଜର ଆସିଥିଲେ । ୟଶ ରାଜ ଅଭିନେତାଙ୍କ ନୂଆ ଲୁକ୍ ସେୟାର କରି ଲେଖିଛନ୍ତି, 'କିମ୍ବଦନ୍ତୀ ତାଙ୍କ ଛାପ ଛାଡିବ' । 'ଶମଶେରା' ବ୍ୟତୀତ ରଣବୀର କପୁର ଅୟାନ ମୁଖାର୍ଜୀଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର 'ବ୍ରହ୍ମାସ୍ତ୍ର'ରେ ମୁଖ୍ୟ ଭୂମିକା ନିଭାଇବେ। ସେ ଫିଲ୍ମରେ ଆଲିଆ ଭଟ୍ଟଙ୍କ ବିପକ୍ଷରେ ଅଭିନୟ କରିବେ। ଏହି ଚଳଚ୍ଚିତ୍ରରେ ଅମିତାଭ ବଚ୍ଚନ ଏବଂ ନାଗାର୍ଜୁନ ଆକ୍କିନେନି ମଧ୍ୟ ମୁଖ୍ୟ ଭୂମିକାରେ ନଜର ଆସିବେ।
ବ୍ୟୁରୋ ରିପୋର୍ଟ, ଇଟିଭି ଭାରତ
