ମୁମ୍ବାଇ: ଦୀର୍ଘ ସମୟରୁ ଚର୍ଚ୍ଚାରେ ସଞ୍ଜୟ ଦତ୍ତ ଓ ରଣବୀର କପୁରଙ୍କ ବହୁ ପ୍ରତିକ୍ଷିତ ଫିଲ୍ମ ‘ସମଶେରା’। ଏମାସ 31 ତାରିଖରେ ଫିଲ୍ମ ରିଲିଜ କରିବାକୁ ଯୋଜନା କରିଥିଲେ ମେକର୍ସ । ହେଲେ ଯାହା ବର୍ତ୍ତମାନ ସମ୍ଭବ ନୁହେଁ। କାରଣ କୋରୋନା ଭାରରସ ପ୍ରକୋପ ଦେଶରେ ଦେଖାଯିବା ପରଠୁ ଫିଲ୍ମର ସୁଟିଂ ଅଧାରେ ବନ୍ଦ କରିଦିଆଯାଇଥିଲା । ଏବେ ଶୁଣିବାକୁ ମିଳୁଛି ଯେ ଫିଲ୍ମର ଆଗାମ ସୁଟିଂ ଅଗଷ୍ଟରେ ଆରମ୍ଭ କରିବେ ମେକର୍ସ । ଯାହା ପାଇଁ ଫିଲ୍ମର ରିଲିଜ ତାରିଖକୁ ଘୁଞ୍ଚାଇ ଦିଆଯାଇଛି।
ସେପଟେ ଦେଶରେ କୋରୋନା ସଂକ୍ରମିତ ସଂଖ୍ୟା ବଢୁଥିବାରୁ ୟଶରାଜ ଫିଲ୍ମସ ‘ସମଶେରା’ର ଫିଲ୍ମ ସୁଟିଂକୁ ଅଗଷ୍ଟ 15-16ରୁ ଆରମ୍ଭ କରିବାକୁ ଯୋଜନା କରିଛି । ସେହି ସମୟରେ ଫିଲ୍ମର କିଛି ସିନର ସୁଟିଂ ଓ ପିକଚର୍କ ଉପରେ କାମ ହେବ। ଯେଉଁଥିରେ 4ରୁ6 ଦିନ ସମୟ ଲାଗିବ। ହେଲେ ଏଯାବତ ମେକର୍ସ ଫିଲ୍ମର ନୂଆ ରିଲିଜ ତାରିଖ ଘୋଷଣା କରିନାହାଁନ୍ତି।
ପ୍ରକାଶ ଥାଉକି ‘ସମଶେରା’ ଏକ ଡକାୟତ ଜନଜାତିର କାହାଣୀକୁ ନେଇ ଆଧାରିତ। ସେହିପରି ଫିଲ୍ମରେ ରଣବୀରଙ୍କ ଡବଲ ରୋଲରେ ଦେଖିବାକୁ ପାଇବେ ଦର୍ଶକ । ସଞ୍ଜୟ ତାଙ୍କ ସହ ଲଢୁଥିବାର ନଜର ଆସିବେ । ବାଣୀ କପୁର, ରୋହିତ ରାୟ ଓ ଇରାବତୀ ହର୍ଷ ମଧ୍ୟ ଫିଲ୍ମରେ ଅଭିନୟ କରୁଥିବାର ଦେଖାଯିବେ ।
