ହାଇଦ୍ରାବାଦ: ସ୍ବାମୀଙ୍କ ରିତେଶ ସିଂଙ୍କ ଠାରୁ ଅଲଗା ହେଲେ କଣ୍ଟ୍ରୋଭର୍ସି କୁଇନ ରାକ୍ଷୀ ସାୱନ୍ତ । ଯେତେବେଳେ ରାକ୍ଷୀ ସାୱନ୍ତ ବିବାହ କରିଥିଲେ, ସେ ତାଙ୍କ ସ୍ବାମୀ ରିତେଶଙ୍କ ସହ ଲୋକଙ୍କୁ ପରିଚିତ କରାଇ ନଥିଲେ । ପରେ ରିତେଶ ବିଗ୍ ବସ୍ 15 ରେ ରାକ୍ଷୀ ସାୱନ୍ତଙ୍କ ସହ ଆସିଥିଲେ । ଏହି ସମୟରେ ରାକ୍ଷୀ ରିତେଶଙ୍କୁ ସମସ୍ତଙ୍କ ସହିତ ପରିଚିତ କରାଇଥିଲେ । ଏହା ପୂର୍ବରୁ ସମସ୍ତେ କେବଳ ରିତେଶଙ୍କ ବିଷୟରେ ଶୁଣିଥିଲେ । ବର୍ତ୍ତମାନ ରାକ୍ଷୀ ସାୱନ୍ତ ତାଙ୍କ ସ୍ବାମୀ ରିତେଶଙ୍କଠାରୁ ଅଲଗା ହେବା ଘୋଷଣା କରିଛନ୍ତି । ଏନେଇ ଇନ୍ଷ୍ଟାଗ୍ରାମରେ ରାକ୍ଷୀ ନିଜେ ସୂଚନା ଦେଇଛନ୍ତି ।
- " class="align-text-top noRightClick twitterSection" data="
">
ରାକ୍ଷୀ ସାୱନ୍ତ ତାଙ୍କ ଅଫିସିଆଲ୍ ଇନଷ୍ଟାଗ୍ରାମ ଆକାଉଣ୍ଟରେ ଏକ ପୋଷ୍ଟ ସେୟାର କରିଛନ୍ତି । ଯେଉଁଥିରେ ସେ ଏକ ଲମ୍ବା ଚଉଡା ନୋଟ୍ ସେୟାର କରି ରିତେଶଙ୍କଠୁ ଅଲଗା ବିଷୟରେ ସୂଚନା ଦେଇଛନ୍ତି । ଏହି ପୋଷ୍ଟରେ ଅଭିନେତ୍ରୀ କହିଛନ୍ତି ଯେ, ଉଭୟଙ୍କ ମଧ୍ୟରେ ଥିବା ଅସୁବିଧାକୁ ସୁଧାରି ନେବା ପାଇଁ ଆମେ ବହୁତ ଚେଷ୍ଟା କରିଥିଲୁ । କିନ୍ତୁ ଦୁହେଁ ଏପରି କରିବାରେ ସଫଳ ହୋଇପାରିଲୁ ନାହିଁ। ଶେଷରେ ଆମେ ନିଜ ଜୀବନକୁ ଅଲଗା ହୋଇ ବିତାଇବାକୁ ସ୍ଥିର କରିଛୁ ।
ରାକ୍ଷୀ ସାୱନ୍ତ ତାଙ୍କ ନୋଟରେ ଲେଖିଛନ୍ତି, 'ସମସ୍ତ ପ୍ରଶଂସକ ଏବଂ ମୋର ପ୍ରିୟ ବ୍ୟକ୍ତି, ଆମେ ଆପଣଙ୍କୁ କହିବାକୁ ଚାହୁଁଛୁ ଯେ ମୁଁ ଏବଂ ରିତେଶ ପରସ୍ପରଠାରୁ ଅଲଗା ହୋଇଯାଇଛୁ। 'ବିଗ୍ ବସ୍' ପରେ ଅନେକ ଘଟଣା ଘଟିଥିଲା, ଯାହା ମୋ ନିୟନ୍ତ୍ରଣ ବାହାରେ ଥିଲା ସେସବୁ ସୁଧାରିବା ପାଇଁ ଆମେ ବହୁତ ଚେଷ୍ଟା କରିଥିଲୁ, କିନ୍ତୁ ଶେଷରେ ଆମେ ନିଜ ଜୀବନକୁ ଅଲଗା ହୋଇ ବିତାଇବାକୁ ସ୍ଥିର କଲୁ । 'ମୁଁ ବହୁତ ଦୁଃଖିତ ଯେ ଭାଲେଣ୍ଟାଇନ୍ସ ଡେ'ର ଗୋଟିଏ ଦିନ ପୂର୍ବରୁ ଏହି ସବୁ ଘଟିଛି । ବର୍ତ୍ତମାନ ମୋତେ ମୋର କାର୍ଯ୍ୟ ଉପରେ ଧ୍ୟାନ ଦେବାକୁ ପଡିବ ଏବଂ ନିଜକୁ ଖୁସି ଏବଂ ସୁସ୍ଥ ରଖିବାକୁ ପଡିବ । ମୋତେ ବୁଝିଥିବାରୁ ଏବଂ ସମର୍ଥନ କରିଥିବାରୁ ସମସ୍ତଙ୍କୁ ଧନ୍ୟବାଦ … ରାଖୀ ସାୱନ୍ତ ।
ରାକ୍ଷୀ ସାୱନ୍ତଙ୍କ ଏହି ପୋଷ୍ଟରେ ଲୋକେ ମଧ୍ୟ ସେମାନଙ୍କର ମତାମତକୁ ଜୋରଦାର ଦେଉଛନ୍ତି । ଜଣେ ଲେଖିଛନ୍ତି, 'ୟେ ତୋ ହୋନା ଥା।' ଅନ୍ୟ ଜଣେ ଉପଭୋକ୍ତା ଲେଖିଛନ୍ତି, 'ଶେଷରେ ଡ୍ରାମା ଶେଷ ହୋଇଛି।' ଅନ୍ୟ ଜଣେ ଉପଭୋକ୍ତା ଲେଖିଛନ୍ତି, 'ଆମେ ଏସବୁ ଜାଣି ସାରିଛୁ । ଏହା ପୂର୍ବରୁ ସ୍ଥିର ଥିଲା । ରାକ୍ଷୀ ସାୱନ୍ତଙ୍କ ପୂର୍ବରୁ ରିତେଶ ବିବାହ କରିଥିଲେ । ବିଗ୍ ବସ୍ ର ସିଜନ୍ 14 ରେ ରାକ୍ଷୀ ନିଜେ ଏହା ପ୍ରକାଶ କରିଥିଲେ । ରିତେଶଙ୍କ ପ୍ରଥମ ପତ୍ନୀଙ୍କ ନାମ ସ୍ନିଗ୍ଧା । ସ୍ନିଗ୍ଧାଙ୍କ ସାକ୍ଷାତକାରରେ ମଧ୍ୟ ସାମ୍ନାକୁ ଆସିଥିଲା , ଯେଉଁଥିରେ ସ୍ନିଗ୍ଧା ରିତେଶଙ୍କ ଉପରେ ମାରପିଟ ଭଳି ଗୁରୁତର ଅଭିଯୋଗ ଆଣିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
