ନୂଆଦିଲ୍ଲୀ: ଇଣ୍ଟରନେଟରେ ଭାଇରାଲ ହେଉଛି ବଲିଉଡ ଅଭିନେତା ରାଜକୁମାର ରାଓଙ୍କ ନିର୍ବନ୍ଧ ଫଟୋ । ରାଜକୁମାର ରାଓ ଏବଂ ତାଙ୍କ ଦୀର୍ଘଦିନ ବାନ୍ଧବୀ ପତ୍ରଲେଖା ଏହି କିଛିଦିନ ହେବ ନିର୍ବନ୍ଧ କରିଛନ୍ତି । ଉଭୟଙ୍କ ନିର୍ବନ୍ଧ ସମୟର ଫଟୋ ଏବଂ ଭିଡିଓ ସୋସିଆଲ ମିଡିଆରେ ବେସ୍ ଭାଇରାଲ ହେଉଥିବା ଦେଖିବାକୁ ମିଳିଛି ।
- " class="align-text-top noRightClick twitterSection" data="
">
ଏହି କପୁଲଙ୍କୁ ଧଳା ରଙ୍ଗର ପୋଷାକରେ ଦେଖିବାକୁ ମିଳିଥିଲା । ପତ୍ରଲେଖା ଧଳା ଏବଂ ସିଲଭର୍ ରଙ୍ଗର ଗାଉନରେ ନଜର ଆସି ଥିବାବେଳେ ରାଜକୁମାର ମଧ୍ୟ ଧଳା ରଙ୍ଗର ଭାରତୀୟ ପୋଷାକ ପିନ୍ଧିଥିଲେ । ଭାଇରାଲ ଭିଡିଓରେ ରାଜକୁମାର ପତ୍ରଲେଖାଙ୍କ ଆଗରେ ଆଣ୍ଠୁମାଡି ମୁଦି ପିନ୍ଧାଉଛନ୍ତି, ଏହାପରେ ପତ୍ରଲେଖା ମଧ୍ୟ ତାଙ୍କ ସମ୍ମୁଖରେ ଆଣ୍ଠୁମାଡି ବସିପଡିଥିବା ଦେଖିବାକୁ ମିଳିଛି । ଅତିଥିମାନେ ସେମାନଙ୍କୁ ତାଳିମାରି ଉତ୍ସାହିତ କରିଛନ୍ତି । ମୁଦି ଅଦଳ ବଦଳ କାର୍ଯ୍ୟକ୍ରମ ପରେ ଉଭୟ ନୃତ୍ୟ ପରିବେଷଣ କରିଥିଲେ ।
2014ରେ ସିଟିଲାଇଟ୍ସରେ ରାଜକୁମାର ଏବଂ ପତ୍ରଲେଖା ସ୍କ୍ରିନ୍ ସେୟାର କରିଥିଲେ। ଏହାପରେ ଉଭୟ ବହୁଦିନ ଧରି ଡେଟ୍ କରୁଥିବା ଚର୍ଚ୍ଚା ହେଉଥିଲା । ତେବେ ବର୍ତ୍ତମାନ ନିର୍ବନ୍ଧ ସରି ଥିବାବେଳେ ଏମାନେ ଖୁବଶୀଘ୍ର ବିବାହ ବନ୍ଧନରେ ବାନ୍ଧିହେବାକୁ ଯାଉଛନ୍ତି । କିନ୍ତୁ ବର୍ତ୍ତମାନ ସୁଦ୍ଧା ବିବାହ ତାରିଖ ଘୋଷଣା କରିନାହାନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
