ମୁମ୍ବାଇ: ଦେଶୀ ଗାର୍ଲ ପ୍ରିୟଙ୍କା ଚୋପ୍ରା ଖୁବଶୀଘ୍ର ହଲିଉଡ ଫିଲ୍ମ ନେଇ ଫେରିବେ । ଏହାବ୍ୟତୀତ ତାଙ୍କ ୱେବ ଫିଲ୍ମ ‘ଦ ହ୍ବାଇଟ ଟାଇଗର’ର ଜବରଦସ୍ତ ଟ୍ରେଲର ନିକଟରେ ରିଲିଜ ହୋଇଥିଲା । ଏହି ଫିଲ୍ମରେ ତାଙ୍କ ସହ ଦେଖାଯିବେ ଲୋକପ୍ରିୟ ଅଭିନେତା ରାଜକୁମାର ରାଓ । ଇତିମଧ୍ୟରେ ଆସିବାକୁ ଥିବା ହଲିଉଡ ଫିଲ୍ମ ‘ୱେ କ୍ୟାନ ବି ହିରୋଜ’( we can be heroes)ର ଟିଜର ଭିଡିଓ ରିଲିଜ ହୋଇଯାଇଛି । ଯାହାକୁ ସୋସିଆଲ ମିଡିଆରେ ଫ୍ୟାନ୍ସଙ୍କ ପାଇଁ ସେୟାର କରିଛନ୍ତି ପ୍ରିୟଙ୍କା ।
ଟିଜରରେ ଦେଖିବାକୁ ମିଳୁଛି ନୂଆ ଜେନେରେଶନର ହିରୋଙ୍କ କାହାଣୀ । ଯେଉଁମାନଙ୍କ ଜୀବନରେ ଆସୁଥିବା ଜଟିଳ ସମୟ ସହ ଲଢିବାକୁ ପ୍ରସ୍ତୁତି ଅଛନ୍ତି । ଏହା ଏକ ସୁପରପାୱାର ଫିଲ୍ମ । ଯେଉଁଥିରେ ପିଲାଙ୍କ ନେମେସିସ୍ ରୂପେ ନଜର ଆସିବେ ପ୍ରିୟଙ୍କା ।
ସେହିପରି ଟିଜରରେ ପିଲାଙ୍କୁ ପ୍ରିୟଙ୍କା ପ୍ରଶ୍ନ କରୁଛନ୍ତି, ‘ତୁମେ ମାନେ କଣ କରିବ?’ ଆଉ ଏହାକୁ ପୋଷ୍ଟ କରି କ୍ୟାପସନରେ ଲେଖିଛନ୍ତି, ‘ଫିଲ୍ମ ସୁଟିଂ ସମୟ ପାଇଁ ପାଇଁ ବହୁତ ଭଲ ଥିଲା । ବିଶେଷ କରି ରୋବର୍ଟ ରୋଡ୍ରିଗେଜ୍ ଏବଂ ସେହି ସବୁ ସୁପର କିଡ୍ସ । ଭଲ ଲାଗିଲା ସେମାନଙ୍କ ନେମେସିସ୍ ଭୂମିକାରେ ଅଭିନୟ କରି । ତେବେ କଣ ଭାବୁଛ ସେମାନେ ଜିତିବେ କି ମୁଁ । ନେଟଫ୍ଲକ୍ସରେ ନୂଆ ବର୍ଷରେ ଷ୍ଟ୍ରିମିଂ ହେବ ଫିଲ୍ମ ।’
- " class="align-text-top noRightClick twitterSection" data="
">
ଏହାପୂର୍ବରୁ ପ୍ରିୟଙ୍କା ପୋଷ୍ଟ କରିଥିଲେ ଫିଲ୍ମରୁ ନିଜର ଫାଷ୍ଟଲୁକ ପୋଷ୍ଟର । ଆଉ ସାକ୍ଷାତ କରାଇଥିଲେ ‘ୱେ କ୍ୟାନ ହିରୋଜ’ର ପ୍ରଥମ ଲୁକ ଆଲବମରେ ପେଡ୍ରୋ ପାସ୍କାଲ୍, ଖ୍ରୀଷ୍ଟିଆନ ସ୍ଲେଟର, ବଏଡ୍ ହୋଲବ୍ରୋକ୍ ଏବଂ ଶିଶୁ ଅଭିନେତା ୟାୟା ଗୋସେଲିନ୍ ।
