ମୁମ୍ବାଇ: ପାଖାପାଖି 3 ବର୍ଷ ପରେ ଦେଶୀ ଗାର୍ଲ ପ୍ରିୟଙ୍କା ଚୋପ୍ରା ବଡ ପରଦାରେ ନଜର ଆସିବେ । ବର୍ତ୍ତମାନ ସେ ନିଜର ଆଗାମୀ ଫିଲ୍ମ ‘ଦ ସ୍କାଇ ଇଜ ପିଙ୍କ’ର ରିଲିଜ ପାଇଁ ପ୍ରସ୍ତୁତ ହୋଇସାରିଲେଣି । ଫିଲ୍ମଟି ଅକ୍ଟୋବର 11ରେ ରିଲିଜ ହେବ। ଫିଲ୍ମରେ ପ୍ରିୟଙ୍କାଙ୍କ ସହ ରୋମାନ୍ସ କରିବେ ଅଭିନେତା, ନିର୍ଦ୍ଦେଶକ ଏବଂ ଗାୟିକ ଫରହାନ ଅଖତର । ଇତିମଧ୍ୟରେ ପ୍ରିୟଙ୍କା ଖୁଲାସା କରିଛନ୍ତି ବଲିଉଡରେ ନିକ ଜୋନସଙ୍କ ଡେବ୍ୟୁକୁ ନେଇ ।
ଏକ ସାକ୍ଷାତକାରରେ ଯୋଗ ଦେଇଥିବା ପ୍ରିୟଙ୍କାଙ୍କୁ ଯେତେବେଳେ ନିକଙ୍କ ବଲିଉଡ ଏଣ୍ଟ୍ରି ବିଷୟରେ ପ୍ରଶ୍ନ କରାଯାଇଥିଲା । ତେବେ ସେ କହିଥିଲେ କି ତାଙ୍କୁ କୌଣସି ଆଇଡିଆ ନାହିଁ । କାରଣ ହିନ୍ଦୀ ଫିଲ୍ମରେ ଅଭିନୟ କରିବା ପାଇଁ ନିକଙ୍କୁ ପ୍ରଥମେ ହିନ୍ଦୀ ଭାଷା ଶିଖିବାକୁ ପଡିବ । ଯାହା ନିକଙ୍କ ପାଇଁ ବହୁତ କଷ୍ଟଦାୟକ । ବଲିଉଡ ଗୀତରେ ସେ ଡାନ୍ସ କରୁଛନ୍ତି, ଭିଡିଓ ମଧ୍ୟ ସୋସିଆଲ ମିଡିଆରେ ସେୟାର କରୁଛନ୍ତି । ତାଙ୍କୁ ବିବାହ କରି ପରେ ଭାରତକୁ ମଧ୍ୟ ପ୍ରେମ କରିବା ଆରମ୍ଭ କରିଦେଇଛନ୍ତି ନିକ। ଭାରତର ସଂସ୍କୃତି, ଖାଦ୍ୟ, ସଙ୍ଗୀତକୁ ସେ ଖୁବ୍ ପସନ୍ଦ କରୁଛନ୍ତି । କିନ୍ତୁ ଯେବେ ହିନ୍ଦୀ ଶିଖିବେ ତେବେ ସେ ବଲିଉଡରେ ଏଣ୍ଟ୍ରି କରିବେ ।
ପ୍ରକାଶ ଥାଉକି ଗତ ବର୍ଷ ଡିସେମ୍ବର 1,2ରେ ନିକ ସହ ଦୁଇଟି ବିଧି-ବିଧାନରେ ବିବାହ କରିଥିଲେ ପ୍ରିୟଙ୍କା । ନିକ ଆମେରିକାର ପପୁଲାର ପପ ଗାୟିକା । ଯାହାଙ୍କ ଫ୍ୟାନ ଫଲୋୟର୍ସ ଆକାଶ ଛୁଆଁ ।
