ହାଇଦ୍ରାବାଦ: ଗ୍ଲୋବାଲ ଆଇକନ ପ୍ରିୟଙ୍କା ଚୋପ୍ରା ବର୍ତ୍ତମାନ ଖୁବ ଚର୍ଚ୍ଚାରେ ରହୁଛନ୍ତି । କିନ୍ତୁ ଏଥର ନିଜ ଶାଶୁଘର ଆମେରିକା ବା ଜନ୍ମସ୍ଥାନ ଭାରତକୁ ନେଇ ନୁହେଁ, ବରଂ ସ୍ପେନ ରାସ୍ତାରେ ହାତରେ ବୋତଲ ଧରି ଚର୍ଚ୍ଚାର PC । ଯାହାକି ସୋସିଆଲ ମିଡ଼ିଆରେ ଖୁବ ଭାଇରାଲ ହେବାରେ ଲାଗିଛି ।
କୌଣସି ଏକ ଫିଲ୍ମ ସୁଟିଂ କରିବା ପାଇଁ ବର୍ତ୍ତମାନ ସ୍ପେନରେ ରହିଛନ୍ତି ପ୍ରିୟଙ୍କା । ସେଠାରେ ସେ ସୁନ୍ଦର ଓ ଆକର୍ଷଣୀୟ ସ୍ଥାନରେ ଫଟୋଗ୍ରାଫି କରି ନିଜ ସୋସିଆଲ ମିଡ଼ିଆ ହ୍ୟାଣ୍ଡେଲରେ ଫଟୋ ସେୟାର କରୁଛନ୍ତି । ଏହାରିକ୍ରମରେ ସେ ସ୍ପେନ ରାସ୍ତାରେ ହାତରେ ଏକ ବୋତଲ ଧରିବାର ଫଟୋ ସେୟାର କରିଛନ୍ତି । ଯେଉଁଥିରେ ସେ ହ୍ବାଇଟ ଓ ବ୍ଲୁ ରଙ୍ଗର ମ୍ୟାଚିଙ୍ଗ ଟପ୍ ପିନ୍ଧିବା ସହିତ କେଶକୁ ଖୋଲା ରଖିଛନ୍ତି । କିନ୍ତୁ ଫଟୋରେ ସେ ଖୁବ ଦୁଃଖିତ ଥିବା ଦେଖିବାକୁ ମିଳିଛି । ତେବେ ସେ ନିଜ ସ୍ବାମୀ ତଥା ସିଙ୍ଗର ନିକ ଜୋନସଙ୍କୁ ମନେ ପକାଉଥିବା ଫ୍ୟାନ୍ସମାନେ କମେଣ୍ଟ୍ସରେ କହିଛନ୍ତି ।
ଏହି ଫଟୋରେ କ୍ୟାପସନରେ ପ୍ରିୟଙ୍କା ଲେଖିଛନ୍ତି ଯେ, " ଯଦି ତୁମେ ଆଗକୁ ବଢିବ ନାହିଁ । ତେବେ ପଛରେ ରହିଯିବ । " ପୂର୍ବରୁ ସେ ନିଜ ମାଆ ମଧୁ ଚୋପ୍ରାଙ୍କ ସହିତ ସ୍ପେନରେ ଭ୍ରମଣ କରୁଥିବାର ଫଟୋ ମଧ୍ୟ ସେୟାର କରିଥିଲେ । କିନ୍ତୁ ନିକ ବର୍ତ୍ତମାନ ନିଜର କୌଣସି ପ୍ରୋଜେକ୍ଟରେ ବ୍ୟସ୍ତ ଥିବା ଜଣାପଡ଼ିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
