ମୁମ୍ବାଇ: ଗ୍ଲୋବାଲ ଅଭିନେତ୍ରୀ ପ୍ରିୟଙ୍କା ଚୋପ୍ରା ଓ ତାଙ୍କ ସ୍ବାମୀ ନିକ ଜୋନସ ସବୁବେଳେ ସୋସିଆଲ ମିଡିଆରେ ଆକ୍ଟିଭ ନଜର ଆସନ୍ତି । କିଛି ଦିନ ହେବ ଦୁଇଜଣଙ୍କ ଖୁବ୍ ଫଟୋ ଓ ଭିଡିଓ ଭାଇରାଲ ହେବାରେ ଲାଗିଛି । ଯାହା ଫ୍ୟାନ୍ସଙ୍କୁ ମଧ୍ୟ ବେଶ ପସନ୍ଦ ଆସିଛି । ଏକଥା ତ ସମସ୍ତଙ୍କୁ ଜଣା କି ନିକ ବଲିଉଡ ଗୀତରେ ଡାନ୍ସ କରିବାକୁ ଖୁବ୍ ଭଲ ପାଆନ୍ତି ।
ଏହାର ସୂଚନା ନିକଟରେ ପ୍ରିୟଙ୍କା ଏକ ସାକ୍ଷାତକାରରେ ଦେଇଥିଲେ । ଏହାପରେ ନିକଙ୍କ ବଲିଉଡ ଡାନ୍ସ ଭିଡିଓ ମଧ୍ୟ ଭାଇରାଲ ହୋଇଥିଲା । କିନ୍ତୁ ଏଥର ପୁଣି ତାଙ୍କର ଆଉ ଏକ ଡାନ୍ସ ଭିଡିଓ ଭାଇରାଲ ହୋଇଛି । ଯେଉଁଥିରେ ପତି-ପତ୍ନୀଙ୍କ ଜବରଦସ୍ତ ଡାନ୍ସ ଦେଖିବାକୁ ମିଳୁଛି । ଆଉ ତାଙ୍କ ସହ ନଜର ଆସୁଛନ୍ତି ସ୍ପେଶାଲ ଗେଷ୍ଟ ତଥା କରନ କୁନ୍ଦ୍ରାଙ୍କ ଗାର୍ଲଫ୍ରେଣ୍ଡ ଅନୁଷା ଦାଣ୍ଡେକର ।
ନିକଟରେ ଅନୁଷା ଇନଷ୍ଟାଗ୍ରାମରେ ଏକ ଫଟୋ ସେୟାର କରି ସୂଚନା ଦେଇଥିଲେ କି ପ୍ରିୟଙ୍କା ଓ ନିକଙ୍କ ସହ କିଛି ସ୍ପେଶାଲ କରୁଛନ୍ତି । ଯାହାର ଖୁଲାସା ସେ ଖୁବଶୀଘ୍ର କରିବେ । ବର୍ତ୍ତମାନ ସୋସିଆଲ ମିଡିଆରେ ଯେଉଁ ଭିଡିଓ ଭାଇରାଲ ହେଉଛି, ସେଥିରେ ନିକ ଠିଆ ହେଉ ଡାନ୍ସ କରୁଥିବାବେଳେ ପ୍ରିୟଙ୍କା ସୋଫାରେ ବସି` ଡାନ୍ସ କରୁଛନ୍ତି । ଆଉ ଅନୁଷାଙ୍କ ଡାନ୍ସ ମଧ୍ୟ ଦେଖିବାକୁ ମିଳୁଛି ।
