ମୁମ୍ବାଇ: ଦେଶୀ ଗାର୍ଲ ପ୍ରିୟଙ୍କା ଚୋପ୍ରା ସ୍ବାମୀ ନିକ ଜୋନସଙ୍କ ସହ ପ୍ୟାରିସର ଫ୍ୟାଶନ ୱିକରେ ନଜର ଆସିଥିଲେ । ଆଉ ସେଠାରେ ଏହି କପଲ ୱଣ୍ଡର ଓମେନ ଷ୍ଟାର ଗ୍ୟାଲ ଗାଡଟ ଓ ସୈଲୀନ ୱୁଡଲିଙ୍କୁ ସାକ୍ଷାତ କରିଥିଲେ ।
ପ୍ରିୟଙ୍କା ସ୍ବାମୀଙ୍କ ସହ ଦେଢୂଶର ଜୋ ଜୋନସ ଓ ହଲିଉଡ ଅଭିନେତ୍ରୀ ସୋଫି ଟର୍ନରଙ୍କ ବିବାହରେ ସାମିଲ ହେବାକୁ ପ୍ୟାରିସ ଯାଇଥିଲେ । ସେହି ସମୟରେ ଦୁଇଜଣ ଡାୟର ଶୋ ପାଇଁ ଫ୍ୟାଶନ ଗାଲାରେ ଭାଗ ନେଇଥିଲେ ।
ପିସି ଇନଷ୍ଟାଗ୍ରାମରେ ନିକଙ୍କ ସହ ସେହି ଫ୍ୟାଶନ ଶୋର ଏକ ଫଟୋ ସେୟାର କରିଛନ୍ତି । ଏହାକୁ ସେୟାର କରି ସେ ଲେଖିଛନ୍ତି, "ଡାୟର-ପ୍ୟାରିସ । ମାରିୟା ଗ୍ରାଜିୟା, ଆମକୁ ଡାକିବା ପାଇଁ ଧନ୍ୟବାଦ ।"
ଶୋରେ ଯେଉଁଠାରେ ପିସି ଗ୍ରୀନ କଲର ଗାଉନରେ ନଜର ଆସିଥିଲେ, ସେହିଠାରେ ନିକ ବ୍ଲାକ କୋଟ ଏବଂ ପ୍ୟାଣ୍ଟ ପିନ୍ଧିଥିବାର ଦେଖାଯାଇଥିଲେ ।
ଅନ୍ୟପଟେ ଡାୟରର ଅଧିକାକାରୀ ଇନଷ୍ଟାଗ୍ରାମ ହ୍ୟାଣ୍ଡଲରେ ଏହି କପଲର ଗୋଟିଏ ପୋଷ୍ଟ ସେୟାର କରିଛନ୍ତି । ଆଉ ଯାହାର କ୍ୟାପସନ ଲେଖାଯାଇଛି, "ଡାୟର କ୍ରୁଜ ଲୁକରେ ସୁନ୍ଦର ଦେଖାଯାଉଥିବା ଅଭିନେତ୍ରୀ ପ୍ରିୟଙ୍କା ଚୋପ୍ରା ଓ ନିକ ଜୋନସ ଆଟମ-ୱିଣ୍ଟର 2019-20 ଡାୟର କାତ୍ୟୁର ଶୋ ପରେ କ୍ରିଏଟିଭ ଡାୟରେକ୍ଟର ମାରିୟା ଗ୍ରାଜିୟାଙ୍କୁ ଶୁଭକାମନା ଜଣାଇଥିଲେ ।"
ଏହାସହ ଇଜରାୟଲୀ ଅଭିନେତ୍ରୀ ଗ୍ୟାଲ ଗାଡଟଙ୍କ ଫଟୋ ପ୍ରିୟଙ୍କା ସହ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
