ମୁମ୍ବାଇ: ଦେଶୀ ଗାର୍ଲ ପ୍ରିୟଙ୍କା ଚୋପ୍ରା ଓ ତାଙ୍କ ସ୍ବାମୀ ନିକ ଜୋନସ ଗୋଲ୍ଡନ ଗ୍ଲୋବ ଆୱାର୍ଡ୍ସରେ ନଜର ଆସିଥିଲେ । ସୋମବାର ଏହି ଆୱାର୍ଡ ଶୋ ହଲିଉଡରେ ଆୟୋଜିତ ହୋଇଥିଲା । ନିକ ଓ ପିସି ଯେଉଁଠାକୁ ମଧ୍ୟ ଗଲେ ଦୁଇଜଣଙ୍କ ଚର୍ଚ୍ଚା ଖୁବ୍ ହୋଇଥାଏ । ତେବେ କୌଣସି ଇଭେଣ୍ଟ ହେଉ କିମ୍ବା ସୋସିଆଲ ମିଡିଆ ହେଉ ଦୁଇଜଣଙ୍କ ପ୍ରେମ ସବୁବେଳେ ଦେଖିବାକୁ ମିଳିଥାଏ ।
- " class="align-text-top noRightClick twitterSection" data="
">
ଦୁଇଜଣଙ୍କ ବିବାହକୁ ଗୋଟିଏ ବର୍ଷ ପୂରଣ ହୋଇସାରିଲାଣି । ହେଲେ ଏଯାବତ ଦୁଇଜଣଙ୍କ ନଜର ପରସ୍ପର ଉପରୁ ଉଠୁନାହିଁ । ଇତିମଧ୍ୟରେ ଦୁଇଜଣଙ୍କ ନୂଆ ରୋମାଣ୍ଟିକ ଭିଡିଓ ସୋସିଆଲ ମିଡିଆରେ ନିଆଁ ପରି ବ୍ୟାପିବାରେ ଲାଗିଛି ।
ଆମେରିକାର ଲସ ଆଞ୍ଜେଲସରେ ପ୍ରିୟଙ୍କା ଓ ନିକ ଗୋଲ୍ଡନ ଗ୍ଲୋବ ଆୱାର୍ଡ୍ସ ଶୋରେ ପରସ୍ପରଙ୍କୁ କିସ କରୁଥିବାର ନଜର ଆସିଥିଲେ । ଯାହାର ଭିଡିଓ ବର୍ତ୍ତମାନ ଖୁବ୍ ଭାଇରାଲ ହେବାରେ ଲାଗିଛି । ଆଉ ସବୁଠାରୁ ମଜାଦାର କଥା ହେଲା କି କିସ ପରେ ପିସି ସ୍ବାମୀଙ୍କ ଓଠରୁ ଲିପଷ୍ଟିକ ପୋଛୁଥିବାର ମଧ୍ୟ ଦେଖାଯାଉଛନ୍ତି । ଏହି ଭିଡିଓଟି ପ୍ରିୟଙ୍କାଙ୍କ ଫ୍ୟାନକ୍ଲବ ନିଜ ଇନଷ୍ଟାଗ୍ରାମ ପେଜରେ ସେୟାର କରିଛନ୍ତି । ଯାହା ଉପରେ ୟୁଜର୍ସଙ୍କ ଖୁବ୍ ମଜାଦାର କମେଣ୍ଟ କରୁଛନ୍ତି ।
ପ୍ରକାଶ ଥାଉକି ଏହାପୂର୍ବରୁ ନୂଆ ବର୍ଷ ଅବସରରେ ପ୍ରିୟଙ୍କା ଓ ନିକ ରୋମାଣ୍ଟିକ ଅନ୍ଦାଜରେ ନଜର ଆସିଥିଲେ । ନୂଆ ବର୍ଷ ପାଳନ କରିବାକୁ ଏକ କାର୍ଯ୍ୟକ୍ରମରେ ପହଞ୍ଚିଥିବା ନିକ-ପ୍ରିୟଙ୍କା ଷ୍ଟେଜ ଉପରୁ ଆସିବା ମାତ୍ରେ ପରସ୍ପରକୁ କିସ କରି ନୂଆ ବର୍ଷ ଶୁଭେଚ୍ଛା ଜଣାଇଥିଲେ । ଯାହାର ଭିଡିଓ ଖୁବ୍ ଭାଇରାଲ ହୋଇଥିଲା ।
