ମୁମ୍ବାଇ: ଦେଶୀ ଗାର୍ଲ ପ୍ରିୟଙ୍କା ଚୋପ୍ରା ନିଜର ଆଗାମୀ ଫିଲ୍ମ 'ଦ ସ୍କାଇ ଇଜ ପିଙ୍କ'ର ସୁଟିଂ ଶେଷ କରିସାରିଲେଣି । ଏହି ଅବସରରେ ଫିଲ୍ମ ଟିମ ଏକ ପାର୍ଟିର ଆୟୋଜନ କରିଥିଲେ । ଏହି ପାର୍ଟିରେ ପୁରା ଷ୍ଟାର-କାଷ୍ଟଙ୍କ ସହ ନଜର ଆସିଥିଲେ ପ୍ରିୟଙ୍କା ଚୋପ୍ରା । ସବୁଥର ପରି ଏଥର ମଧ୍ୟ ସେ ଖୁବ୍ ସୁନ୍ଦର ଦେଖାଯାଇଥିଲେ । କିନ୍ତୁ ଏହି ପାର୍ଟିରେ ସବୁଠାରୁ ଅଧିକ ଚର୍ଚ୍ଚାର ବିଷୟ ପାଲଟିଥିଲା ପ୍ରିୟଙ୍କାଙ୍କ ଆଣ୍ଠୁରେ ବନ୍ଧା ହୋଇଥିବା ନି-କ୍ୟାପ ।
ଏହି ପାର୍ଟିର ଫଟୋ ସୋସିଆଲ ମିଡିଆରେ ଭାଇରାଲ ହେବା ମାତ୍ରେ ଫ୍ୟାନ୍ସ ଖୁବ୍ ଆଶ୍ଚର୍ଯ୍ୟ ହୋଇଯାଇଥିଲେ । କାରଣ ଏମିତି ପ୍ରଥମଥର ହୋଇଛି କି ପ୍ରିୟଙ୍କା ଅସୁସ୍ଥ ଅବସ୍ଥାରେ ସମସ୍ତଙ୍କ ସାମ୍ନାକୁ ଆସିଛନ୍ତି ।
ଶୁଣିବାକୁ ମିଳୁଛି ଯେ ପ୍ରିୟଙ୍କାଙ୍କୁ ସୁଟିଂ ସମୟରେ ଆଘାତ ଲାଗିଛି ବୋଲି । ନିଜ ଯନ୍ତ୍ରଣା କମ କରିବା ପାଇଁ ହୁଏତଃ ପିସି ନି- କ୍ୟାପ ପିନ୍ଧିଛନ୍ତି । କିନ୍ତୁ ନିଜ ଆଘାତର ସୂଚନା ସେ ଏଯାବତ ଫ୍ୟାନ୍ସଙ୍କୁ ଜଣାଇନାହିଁନ୍ତି ।
ପ୍ରକାଶ ଥାଉକି ପ୍ରିୟଙ୍କା ଶେଷଥର ବଲିଉଡ ଫିଲ୍ମ 'ବାଜିରାଓ ମସ୍ତାନୀ'ରେ ନଜର ଆସିଥିଲେ । ଏବେ ଦୀର୍ଘ ସମୟ ବ୍ୟବଧାନରେ ସେ ହିନ୍ଦୀ ଫିଲ୍ମରେ ପୁଣି ନଜର ଆସିବେ । ଏହାସାହ ନିକଟରେ ରିଲିଜ ହୋଇଥିବା ସଲମାନ ଖାନଙ୍କ ବହୁ ଚର୍ଚ୍ଚିତ ଫିଲ୍ମ 'ଭାରତ'ରେ ତାଙ୍କ ନାମ ସମ୍ପୃକ୍ତ ଥିଲା କିନ୍ତୁ ଫିଲ୍ମ ସୁଟିଂ ପୂର୍ବରୁ ସେ ଏଥିରେ କାମ କରିବାକୁ ମନା କରିଦେଇଥିଲେ । ଯାହାଦ୍ବାରା ଫିଲ୍ମଟି କ୍ୟାଟ୍ରିନା କୈଫଙ୍କ ହାତରେ ଲାଗିଥିଲା ।
