ନୂଆଦିଲ୍ଲୀ: ଗ୍ଲୋବାଲ ଆଇକନ ପ୍ରିୟଙ୍କା ଚୋପ୍ରାଙ୍କ ଏକ ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି । ଏହି ଭିଡିଓରେ ପ୍ରିୟଙ୍କା ନିଜ ଫ୍ୟାନ୍ସଙ୍କ ଉପରକୁ କେକ ପିଙ୍ଗୁଥିବାର ନଜର ଆସୁଛନ୍ତି । ଭିଡିଓରେ ପ୍ରିୟଙ୍କାଙ୍କ ସହ ସ୍ବାମୀ ନିକ ଜନୋସ୍ ଏବଂ ତାଙ୍କ ଭାଇ ଜୋ ଜୋନସ୍ ମଧ୍ୟ ନଜର ଆସୁଛନ୍ତି । ଏବେ ଆପଣ ଭାବୁଥିବେ କି କଣ ପାଇଁ ପ୍ରିୟଙ୍କା ଫ୍ୟାନ୍ସଙ୍କ ଉପରକୁ କେକ ପିଙ୍ଗୁଛନ୍ତି । ତେବେ ଆସନ୍ତୁ ଜାଣିବା...
ସୋସିଆଲ ମିଡିଆରେ ଭାଇରାଲ ହୋଇଥିବା ପ୍ରିୟଙ୍କା ଓ ନିକଙ୍କ ଏହି ଭିଡିଓ ଏବଂ ଫଟୋ ମିୟାମୀ ଭେକେଶନର । ସେହି ଫଟୋ ମଧ୍ୟରୁ କିଛି ଏମିତି ଫଟୋ ମଧ୍ୟ ଅଛି, ଯାହା ମିୟାମୀର ଫେମସ ମ୍ୟୁଜିସିଆନ Steve Aoki କନ୍ସର୍ଟର ଫଟୋ । ଏହି ଫଟୋ ଏବଂ ଭିଡିଓ Steve Aokiଙ୍କ ଇନଷ୍ଟାଗ୍ରାମରୁ ସେୟାର କରାଯାଇଛି ।
ଜଣାଇ ଦେଉଛୁ ଯେ ନିକଟରେ ପ୍ରିୟଙ୍କା ସ୍ବାମୀ ନିକଙ୍କ ସହ Steve Aokiଙ୍କ କନ୍ସର୍ଟରେ ସାମିଲ ହୋଇଥିବାର ନଜର ଆସିଥିଲେ । ଯେଉଁଠାରେ ସେ ନିକଙ୍କ ସହ ଖୁବ୍ ମସ୍ତି କରୁଥିବାର ଦେଖାଯାଇଥିଲେ । ଏହି କନ୍ସର୍ଟରେ ପ୍ରିୟଙ୍କା, ନିକ, ଜୋ ଦର୍ଶକଙ୍କ ଉପରକୁ କେକ ପିଙ୍ଗି ନିଜ ମସ୍ତି ଜାହିର କରିଥିଲେ ।
ପ୍ରକାଶ ଥାଉକି ମ୍ୟୁଜିସିଆନ Steve Aokiଙ୍କ ପରମ୍ପରା ଅଛି କି ତାଙ୍କ ପରଫର୍ମ ଶେଷରେ ଦର୍ଶକଙ୍କ ଉପରୁ କେକ ପିଙ୍ଗି ନିଜ ଖୁସି ଜାହିର କରିବା । ଅନ୍ୟପଟେ ଦର୍ଶକଙ୍କ ମଧ୍ୟ ଏହି ଖୁସିକୁ ଶାନଦାର ଅନ୍ଦାଜରେ ସେଲିବ୍ରେଟ କରିଥାଆନ୍ତି । ପ୍ରିୟଙ୍କା ମଧ୍ୟ ନିକଙ୍କ ସହ ଦର୍ଶକଙ୍କ ଉପରରୁ କେକ ପିଙ୍ଗି ପରମ୍ପରା ପାଳନ କରିଛନ୍ତି ।
