ମୁମ୍ବାଇ: ବିବାହ ପରେ ଅଭିନେତା ପ୍ରତୀକ ବବ୍ବର ପତ୍ନୀ ସାନିୟା ସାଗରଙ୍କ ସହ ହନିମୁନରେ ଖୁବ୍ ମସ୍ତି କରୁଥିବାନଜର ଆସୁଛନ୍ତି । ଯାହାର ଅନେକ ଫଟୋ, ଭିଡିଓ ସୋସିଆଲ ମିଡିଆରେ ଦେଖିବାକୁ ମିଳୁଛି । ଇତିମଧ୍ୟରେ ପ୍ରତୀକ ରାପର ଶାହ ରୁଲଙ୍କ 'ମୁଭ ବ୍ୟାକ' ମ୍ୟୁଜିକ ଭିଡିଓରେ ଅଭିନୟ କରିଛନ୍ତି । ଯାହାକୁ ସାନିୟା ନିର୍ଦ୍ଦେଶିତ କରିଛନ୍ତି ।
ଏହି ଗୀତଟି ମୁମ୍ବାଇ ଇଂରାଜୀ-ହିନ୍ଦୀ ରାପର ଶାହ ରୁଲ କାନ୍ନାଡା ହିପ-ହପ କଳାକାରଙ୍କ ସହ ଏକାଠି ମିଶି ତିଆରି କରିଛନ୍ତି । ଶାହ ରୁଲ ନିକଟରେ ଚର୍ଚ୍ଚିତ ଫିଲ୍ମ 'ଗଲି ବୟ'ରେ ନଜର ଆସିଥିଲେ ।
ପତ୍ନୀ ସାନିୟା କେବଳଏହାର ନିର୍ଦ୍ଦେଶନା ଦାୟିତ୍ବ ନେଇନାହାଁନ୍ତି, ସେ ଏହି ମ୍ୟୁଜିକର ପ୍ରଯୋଜିକା ଏବଂ ସଂପାଦକମଧ୍ୟ । ପ୍ରତୀକଙ୍କ ଏହା ପ୍ରଥମ ମ୍ୟୁଜିକ ଭିଡିଓ ହେବା ସହ ପତ୍ନୀଙ୍କ ନିର୍ଦ୍ଦେଶନାରେ ମଧ୍ୟ ପ୍ରଥମଥର କାମ କରିଛନ୍ତି ସେ । ପ୍ରକାଶ ଥାଉକି ଦୁଇଜଣ ଏବର୍ଷବିବାହ ବନ୍ଧନରେ ଆବଦ୍ଧ ହୋଇଥିଲେ ।
ପ୍ରତୀକଙ୍କୁ ନିର୍ଦ୍ଦେଶନା ଦେବା ଉପରେ ସାନିୟା କହିଛନ୍ତି କି ପ୍ରତୀକ ସବୁବେଳେ ଶାହ ରୁଲଙ୍କ ବଡ ପ୍ରଶଂସକ ରହି ଆସିଛନ୍ତି । ଆଉ ସେ ଏହି ମ୍ୟୁଜିକରେ ଶାନଦାର ମଧ୍ୟ ଦେଖାଯାଇଛନ୍ତି । ଅନ୍ୟପଟେ ପ୍ରତୀକ କହିଛନ୍ତି କି ସାନିୟା ପୁରା ମ୍ୟୁଜିକର ଭାର ସମ୍ଭାଳିଥିବାରୁ ସେ ତାଙ୍କୁ ନେଇ ଗର୍ବିତ ଅନୁଭବ କରୁଛନ୍ତି ।
