ମୁମ୍ବାଇ: ତେଲୁଗୁ ସୁପରଷ୍ଟାର ପ୍ରଭାସ ଓ ଶ୍ରଦ୍ଧା କପୁରଙ୍କ ବହୁ ଚର୍ଚ୍ଚିତ ଫିଲ୍ମ ‘ସାହୋ’ ରିଲିଜକୁ ଦୁଇ ସପ୍ତାହ ପୂରଣ ହୋଇଛି । ସୁଜିତଙ୍କ ନିର୍ଦ୍ଦେଶିତ ଏହି ଫିଲ୍ମକୁ ଭାରତରେ କ୍ରିଟିକ୍ସ ଓ ଦର୍ଶକଙ୍କ ମିଶ୍ରିତ ପ୍ରତିକ୍ରିୟା ମିଳିଥିଲା । କିନ୍ତୁ ବକ୍ସ ଅଫିସରେ ଫିଲ୍ମଟି ଜବରଦସ୍ତ କଲେକ୍ସନ କରିବାରେ ସଫଳ ହୋଇଥିଲା ।
ଇତିମଧ୍ୟରେ ଫିଲ୍ମକୁ ନେଇ ନୂଆ ଖବର ସାମ୍ନାକୁ ଆସିଛି । ଯାହା ଶୁଣି ପ୍ରଭାସଙ୍କ ଫ୍ୟାନ୍ସ ଖୁସି ହୋଇଯିବେ । ଆଜ୍ଞା ହଁ, ବର୍ତ୍ତମାନ ଫିଲ୍ମଟି ବିଶ୍ବ ସ୍ତରରେ 424 କୋଟି ଆୟ କରି ରେକର୍ଡ ସୃଷ୍ଟି କରିଛି ।
ଏହି ଅବସରରେ ‘ସାହୋ’ ମେକର୍ସ ଟ୍ବିଟରରେ ଏହାର ସୂଚନା ଫ୍ୟାନ୍ସଙ୍କୁ ଦେଇଛନ୍ତି । ‘ସାହୋ’ ବକ୍ସ ଅଫିସରେ ନିଆଁ ଲଗାଇଦେଇଛି । ମାତ୍ର ଦୁଇ ସପ୍ତାହରେ 424 କୋଟି ବିଶ୍ବ ସ୍ତରରେ ଆୟ କରିବାରେ ସଫଳ ହୋଇଛି ବୋଲି କ୍ୟାପସନରେ ଲେଖିଛନ୍ତି ମେକର୍ସ ।
ପ୍ରକାଶ ଥାଉକି ପ୍ରଭାସ ଓ ଶ୍ରଦ୍ଧାଙ୍କ ବ୍ୟତୀତ ଫିଲ୍ମରେ ଜ୍ୟାକି ଶ୍ରଫ, ଚଙ୍କି ପାଣ୍ଡେ, ନିଲ ନିତିନ ମୁକେଶ, ମନ୍ଦିରା ବେଦୀ, ମହେଶ ମାଞ୍ଜେରକର, ଅରୁନ ବିଜୟ ଓ ମୁରଲୀ ଶର୍ମା ମୁଖ୍ୟ ନଜର ଆସିଛନ୍ତି ।
