ହାଇଦ୍ରାବାଦ: ଦକ୍ଷିଣ ସୁପରଷ୍ଟାର ପ୍ରଭାସଙ୍କ ପରବର୍ତ୍ତୀ ଚଳଚ୍ଚିତ୍ରକୁ ବିଶ୍ବର ବିଭିନ୍ନ ସ୍ଥାନରୁ ପ୍ରଶଂସକମାନେ ଉତ୍ସାହର ସହିତ ଅପେକ୍ଷା କରିଥିଲେ । ବର୍ତ୍ତମାନ ପ୍ରଭାସଙ୍କ ପରବର୍ତ୍ତୀ ଚଳଚ୍ଚିତ୍ର 'ରାଧେଶ୍ୟାମ୍' ଘୋଷଣା କରାଯାଇଛି ।
- " class="align-text-top noRightClick twitterSection" data="
">
'ରାଧେଶ୍ୟାମ୍' ନାମକ ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ରାଧା କୃଷ୍ଣ କୁମାର ଯାହାକୁ ଗୁଲଶନ କୁମାର ଏବଂ ଟି-ସିରିଜ୍ ଦ୍ୱାରା ଉପସ୍ଥାପିତ କରାଯାଇଛି ।
ୟୁଭି କ୍ରିଏସନ୍ ଦ୍ୱାରା ନିର୍ମିତ ଏହି ଚଳଚ୍ଚିତ୍ରରୁ ପ୍ରଭାସ ଏବଂ ଅଭିନେତ୍ରୀ ପୂଜା ହେଗଡେଙ୍କ ଫିଲ୍ମର ଫାଷ୍ଟ ଲୁକ୍ ମୁକ୍ତିଲାଭ କରିଛି ।
ଫିଲ୍ମର ପୋଷ୍ଟରରେ ପ୍ରଭାସ ଏବଂ ପୂଜା ହେଗେଡେଙ୍କର ଜବରଦସ୍ତ କେମେଷ୍ଟ୍ରି ଦେଖିବାକୁ ମିଳିଛି ।
'ରାଧେଶ୍ୟାମ୍' ଏକ ବଡ ବଜେଟ୍ ଚଳଚ୍ଚିତ୍ର । ଏହା 2021 ମସିହାରେ ପ୍ରେକ୍ଷାଳୟରେ ମୁକ୍ତିଲାଭ କରିବ, ଯାହା ଫିଲ୍ମ ଇଣ୍ଡଷ୍ଟ୍ରି ପାଇଁ ଏକ ଖୁସି ଖବର ।
ସୋସିଆଲ ମିଡିଆରେ ଫିଲ୍ମର ପୋଷ୍ଟର ସେୟାର କରି ପ୍ରଭାସ ଲେଖିଛନ୍ତି, ମୋର ପ୍ରଶଂସକ, ଏହି ଫିଲ୍ମ ଆପଣମାନଙ୍କ ପାଇଁ । ମୁଁ ଆଶା କରେ ଆପଣ ଏହାକୁ ପସନ୍ଦ କରିବେ ।
ୟୁଭି କ୍ରିଏସନ ପ୍ରମୋଦ କହିଛନ୍ତି, ଏହା ଆମ ସମସ୍ତଙ୍କ ପାଇଁ ଏକ ରୋମାଞ୍ଚକର ମୁହୂର୍ତ୍ତ ଯେ ଆମର ପରବର୍ତ୍ତୀ ପ୍ରୋଜେକ୍ଟ ରାଧେଶ୍ୟାମରୁ ପ୍ରଭାସ ଏବଂ ପୂଜା ହେଗଡେଙ୍କ ବହୁ ପ୍ରତୀକ୍ଷିତ ପୋଷ୍ଟର ମୁକ୍ତିଲାଭ କରିଛୁ । ପ୍ରଭାସଙ୍କ ସହ କାମ କରିବା ବହୁତ ମଜାଦାର ଥିଲା । ଆମର ପୂର୍ବ ପ୍ରୋଜେକ୍ଟ 'ସାହୋ' ପରେ ଭୂଷଣ କୁମାର ଏବଂ ଟି-ସିରିଜ୍ ଟିମ ସହିତ ପୁନର୍ବାର କାମ କରି ଆମେ ବହୁତ ଖୁସି ।
ଟି-ସିରିଜରୁ ଭୂଷଣ କୁମାର କହିଛନ୍ତି, 'ରାଧେଶ୍ୟାମ୍' ରେ ପ୍ରଭାସ ଏବଂ ପୂଜାଙ୍କ ସହିତ କାମ କରି ଆମେ ବହୁତ ଖୁସି । ଫିଲ୍ମର ଫାଷ୍ଟ ଲୁକ୍ ଲଞ୍ଜ କରି ଆମେ ପ୍ରଭାସ ଏବଂ ପୂଜାଙ୍କର ଜବରଦସ୍ତ କେମେଷ୍ଟ୍ରି ପ୍ରଂଶସକମାନଙ୍କୁ ଦେଖେଇପାରିଛୁ ।
ପ୍ରଭାସଙ୍କ ଅଭିନୀତ ଏହି ଚଳଚ୍ଚିତ୍ରରେ ପୂଜା ହେଗଡେ, ଭାଗ୍ୟଶ୍ରୀ, ମୁରଲୀ ଶର୍ମା, ସଚିନ ଖେଡେକର, ପ୍ରିୟଦର୍ଶୀ. ଶାଶା ଛେତ୍ରୀ, କୁନାଲ ରାୟ କପୁର ଓ ସଥ୍ୟନ ଭଳି କଳାକାର ନଜର ଆସିବେ ।
ଫିଲ୍ମର ନିର୍ମାଣ ଭୂଷଣ କୁମାରଙ୍କ ବ୍ୟାନର ଟି-ସିରିଜରେ କରାଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
