ହାଇଦ୍ରାବାଦ: ଦୀର୍ଘ 13 ବର୍ଷ ପରେ ପୁଣି ଟିଭି ପରଦାକୁ ଫେରିବ ଟିଭି କୁଇନ ଏକତା କପୁରଙ୍କ ଚର୍ଚ୍ଚିତ ଶୋ 'କ୍ୟୁକି ସାସ୍ ଭି କଭି ବୋହୂ ଥି' (Kyunki Saas Bhi Kabhi Bahu Thi) । ବର୍ଷ ବର୍ଷ ଧରି ଦର୍ଶକଙ୍କୁ ବହୁତ ମନୋରଞ୍ଜନର ଖୋରାକ ଯୋଗାଇଥିଲା ଏହି ଧାରାବାହିକ ସିରିଏଲ। ଏହି ଶୋ’ରୁ ସ୍ମୃତି ଇରାନୀ (Smriti Irani) ତୁଲସୀ ନାମରେ ଘରେ ଘରେ ପରିଚିତ ହୋଇଥିଲେ । ପ୍ରତ୍ୟେକ ସନ୍ଧ୍ୟାରେ ଲୋକମାନେ ଏହାର ପ୍ରତିଟି ଏପିସୋଡ ଦେଖିବା ପାଇଁ ଟିଭି ଆଗରେ ବସିପଡୁଥିଲେ । ବର୍ତ୍ତମାନ ଏକତା ଶୋ’ର ଦର୍ଶକଙ୍କୁ ଏକ ଭଲ ଖବର ଦେଇଛନ୍ତି। ଏହି ଶୋ ପୁଣି ଥରେ ଟିଭିରେ ପ୍ରସାରିତ ହେବ ।
- " class="align-text-top noRightClick twitterSection" data="
">
ଇନଷ୍ଟାଗ୍ରାମରେ 'କ୍ୟୁକିଁ ସାସ୍ ଭି କଭି ବୋହୂ ଥି'ର ପ୍ରମୋ ସେୟାର କରି ଏକତା କପୁର ଏକ ପୋଷ୍ଟ ଲେଖିଛନ୍ତି, ପ୍ରମୋର ଏକ ଝଲକ ଦେଖି ସମସ୍ତ ପୁରୁଣା ସ୍ମୃତି ତାଜା ହୋଇଗଲା। ଆଜି, ଯେତେବେଳେ ମୁଁ ପୁରୁଣା ଦିନଗୁଡିକୁ ପୁନର୍ବାର ଦେଖେ, ମୁଁ ପ୍ରତ୍ୟେକ ସ୍ମୃତିକୁ, ପ୍ରତ୍ୟେକ ମୁହୂର୍ତ୍ତକୁ ମନେ ପକାଇଥାଏ, ଯାହା ଏହି ଶୋକୁ ସବୁଠୁ ପ୍ରିୟ କରିଥିଲା । ସମାନ ପ୍ରେମ ସହିତ ଏହି ଯାତ୍ରାରେ ଯୋଗ ଦିଅନ୍ତୁ, ଫେବୃଆରୀ 16 ବୁଧବାର ଠାରୁ ଅପରାହ୍ନ 5 ଟାରେ କେବଳ ଷ୍ଟାର୍ ପ୍ଲସରେ ।
ଟିଭିରେ 'କ୍ୟୁକିଁ ସାସ୍ ଭି କଭି ବୋହୂ ଥି'ର 1000 ଏପିସୋଡ ପୂରା କରି ଏକତା କପୁର ଇତିହାସ ରଚିଥିଲେ । 2000 ରୁ 2008 ପର୍ଯ୍ୟନ୍ତ ଟେଲିକାଷ୍ଟ ହୋଇଥିବା ଏହି ସିରିଏଲ ଦର୍ଶକଙ୍କ ହୃଦୟରେ ଏକ ସ୍ବତନ୍ତ୍ର ସ୍ଥାନ ସୃଷ୍ଟି କରିଥିଲା । ଲୋକପ୍ରିୟତା ଏପରି ଥିଲା ଯେ ଲୋକମାନେ କେବଳ ତୁଲସୀ ନାମରେ ସ୍ମୃତି ଇରାନୀଙ୍କୁ ଜାଣିବା ଆରମ୍ଭ କରିଥିଲେ।
ବ୍ୟୁରୋ ରିପୋର୍ଟ, ଇଟିଭି ଭାରତ
