ମୁମ୍ବାଇ: ସବୁବେଳେ ନିଜ ବିବାଦୀୟ ବୟାନ ପାଇଁ ଚର୍ଚ୍ଚାରେ ରୁହନ୍ତି ଲୋକପ୍ରିୟ ଗାୟିକା ସୋନା ମହାପାତ୍ର । ସାମାଜିକ ପ୍ରସଙ୍ଗ ହେଉ କିମ୍ବା ରାଜନୀତି ନିଜ ପ୍ରତିକ୍ରିୟା ଦେବାକୁ ଆଦୌ ଭୁଲନ୍ତି ନାହିଁ । ଏହି ଗୁଣ ପାଇଁ ସେ ଅନେକଥର ସମସ୍ୟା ଘେରରେ ମଧ୍ୟ ଆସି ସାରିଲେଣି । ଏହାକୁ ବେଖାତିର କରି ନିଜ ମନ କଥା କହୁଛନ୍ତି ସେ । ସୋସିଆଲ ମିଡିଆରେ ଆକ୍ଟିଭ ରହୁଥିବା ସୋନା ବର୍ତ୍ତମାନ ଟ୍ରୋଲର୍ସଙ୍କ ଶିକାର ହୋଇଛନ୍ତି । ହେଲେ ଟ୍ରୋଲର୍ସଙ୍କୁ କଡା ଜବାବ ଦେଇ ପୁଣି ଚର୍ଚ୍ଚାରେ ସେ ।
-
Cus it’s my body, my cleavage Mr. Jay whoever. I do as I please with it. 🤟🏾🧚🏿♀️ https://t.co/hfNrKvwJad
— Sona Mohapatra (@sonamohapatra) November 23, 2020 " class="align-text-top noRightClick twitterSection" data="
">Cus it’s my body, my cleavage Mr. Jay whoever. I do as I please with it. 🤟🏾🧚🏿♀️ https://t.co/hfNrKvwJad
— Sona Mohapatra (@sonamohapatra) November 23, 2020Cus it’s my body, my cleavage Mr. Jay whoever. I do as I please with it. 🤟🏾🧚🏿♀️ https://t.co/hfNrKvwJad
— Sona Mohapatra (@sonamohapatra) November 23, 2020
କଥାଟି ହେଲା ଯେ ନିକଟରେ ସେ ଟ୍ବିଟରରେ ଏକ ପୋଷ୍ଟ କରି ଜଣାଇଥିଲେ ଯେ କଲେଜରେ ପଢୁଥିବା ସମୟରେ ସେ ନିର୍ଯାତନାର ଶିକାର ହେବା ସହ ଅନ୍ୟଙ୍କ ଠୁ ଗାଳିଗୁଲଜ ମଧ୍ୟ ଶୁଣୁଥିଲେ । ତାଙ୍କ ଏହି ଟ୍ବିଟ ଭାଇରାଲ ହେବା ମାତ୍ରେ କିଛି ୟୁଜର୍ସ ତାଙ୍କୁ ଟ୍ରୋଲ କରିବା ଆରମ୍ଭ କରିଦେଇଥିଲେ । ଆଉ ତାଙ୍କୁ ପବ୍ଲିସିଟିର ଭୋକିଲା କହି ଅପମାନ ମଧ୍ୟ କରିଥିଲେ ।
ଜଣେ ୟୁଜର ଲେଖିଛନ୍ତି, ‘ପୁଣି କାନ୍ଦିବା ଆରମ୍ଭ କଲେ ସୋନା । ଧ୍ୟାନ ଏବଂ ସହାନୁଭୂତି ସନ୍ଧାନକାରୀ । ଯଦି ତୁମେ ଏତେ ଚିନ୍ତିତ, ତେବେ କାହିଁକି ହଟ ଫଟୋ ସୁଟ୍ କରି ଶରୀର ଦେଖାଉଛ । ଏହି ସମସ୍ତ ଡ୍ରାମା କରିବା ପରିବର୍ତ୍ତେ ଦୟା କରି ଗୀତ ଉପରେ ଧ୍ୟାନ ଦିଅ । ଯାହାଦ୍ବାରା ତୁମେ ଭଲ ଗାୟିକା ହୋଇପାରିବ ।’
ୟୁଜରଙ୍କ ଏହି ଟ୍ବିଟର ଜବାବରେ ସୋନ କହିଛନ୍ତି, ‘ଏହା ମୋର ଶରୀର ମିଷ୍ଟର ଜୟ । ଯିଏ ବି ହୁଅ ମୁଁ ଏହା ସହିତ ଯାହା କରେ ମୋ ନିଜ ଇଚ୍ଛାରେ କରେ ।’ ପ୍ରକାଶ ଥାଉକି ଗତ ବର୍ଷ ମି ଠୁ ଅଭିଯାନରେ ସାମିଲ ହୋଇ ଲୋକପ୍ରିୟ ସଙ୍ଗୀତ କମ୍ପୋଜର ଅନୁ ମଲ୍ଲିକଙ୍କ ଉପରେ ଯୌନ ନିର୍ଯାତନା ଅଭିଯୋଗ ଆଣିଥିଲେ ସୋନା । ଯାହା ପରେ ତାଙ୍କର ଅନେକ ଲୋକ ସମାଲୋଚନା ମଧ୍ୟ କରିଥିଲେ ।
