ମୁମ୍ବାଇ: ଜନ ଅବ୍ରାହମ ଓ ଇମ୍ରାନ ହାସମୀଙ୍କ ଚର୍ଚ୍ଚିତ ଫିଲ୍ମ ‘ମୁମ୍ବାଇ ସାଗା’ର ପ୍ରଥମ ଗୀତ ‘ଶୋର ମଚେଗା ଶୋର’ ନିକଟରେ ରିଲିଜ ହୋଇଥିଲା । ରିଲିଜ ହେବା ମାତ୍ରେ ସୋସିଆଲ ମିଡିଆରେ ଚହଳ ସୃଷ୍ଟି କରିଛି ଗୀତ । ଲୋକପ୍ରିୟ ରାପର ତଥା ସିଙ୍ଗର ହନି ହନି ସିଂଙ୍କ ଦମଦାର ଅନ୍ଦାଜ ପୁଣି କିଣିଛି ଦର୍ଶକଙ୍କ ମନ ।
ୟୁଟ୍ୟୁବରେ ରିଲିଜ କରାଯାଇଥିବା ଏହି ଗୀତକୁ ଏଯାବତ 6 ଲକ୍ଷରୁ ଅଧିକ ଭ୍ୟୁ ମିଳିସାରିଲାଣି । ଶନିବାର ଏହି ଗୀତର ଟିଜର ରିଲିଜ ହୋଇଥିଲା । ଟିଜର ଦେଖିବା ପରେ ଦର୍ଶକଙ୍କ ଉତ୍ସାହିତ ବଢିଯାଇଥିଲା ପୁରା ଗୀତ ଦେଖିବାକୁ । ଆଉ ଏବେ ଗୀତ ସମସ୍ତଙ୍କ ମନ କିଣିବାରେ ସଫଳ ହୋଇଛି ।
- " class="align-text-top noRightClick twitterSection" data="">
ଗୀତର ଭିଡିଓରେ ଜନ ଓ ଇମ୍ରାନ ନଜର ଆସୁଛନ୍ତି । ଦୁଇଜଣଙ୍କ ଦମଦାର ଲୁକ୍ ଦେଖିବାକୁ ମିଳୁଛି । ସେହିପରି ନିକଟରେ ଫିଲ୍ମର ଟ୍ରେଲର ରିଲିଜ ହୋଇଥିଲା । ଆଉ ଆସନ୍ତା ମାର୍ଚ୍ଚ 19ରେ ରିଲିଜ ହେବାକୁ ଯାଉଛି ଫିଲ୍ମ ।
