ମୁମ୍ବାଇ: ଗ୍ଲୋବାଲ ଆଇକନ ପ୍ରିୟଙ୍କା ଚୋପ୍ରା ଜୋନସ କହିଛନ୍ତି ଯେ ଏମିତି କିଛି ସମୟ ଆସିଛି ଯେତେବେଳେ ଦକ୍ଷିଣ ଏସୀୟ ସମ୍ପ୍ରଦାୟର ଲୋକେ ତାଙ୍କୁ ଟାର୍ଗେଟ କରିଛନ୍ତି । ଯାହା ପାଇଁ ସେ ଅନେକଥର ନକାରାତ୍ମକତା ଅନୁଭବ କରୁଛନ୍ତି। ଏହାର ଖୁଲାସା ନିକଟରେ ଦେଇଥିବା ଏକ ସାକ୍ଷାତକାରରେ ସେ କରିଥିଲେ ।
ଆଉ କହିଥିଲେ, ‘ମୁଁ ଅନେକ ଲୋକଙ୍କ ଠାରୁ ସୁରକ୍ଷା ଭାବନାକୁ ଲକ୍ଷ୍ୟ କରେ କିନ୍ତୁ କିଛି ଲୋକଙ୍କ ଠୁ ଅସନ୍ତୋଷର ଭାବନା ଏବଂ ଆଉ କିଛିଙ୍କ ଠୁ ନକାରାତ୍ମକ ମଧ୍ୟ ଦେଖେ। ବିନା କାରଣରେ ମୋତେ ଟାର୍ଗେଟ କରାଯାଇଛି । ମୁଁ ଦୁଇ ମାସ ପୂର୍ବେ ମିଣ୍ଡି (କାଲିଙ୍ଗ)ଙ୍କ ସହ ଏହା ବିଷୟରେ କଥା ହୋଇଥିଲି । ମୁଁ ପଚାରିଥିଲି କାହିଁକି ତୁମେ ନିଜ ସମ୍ପ୍ରଦାୟରୁ ଏତେ ନକାରାତ୍ମକତା ପାଉଛି । ଏଣ୍ଟରଟେନମେଣ୍ଟ ଇଣ୍ଡଷ୍ଟ୍ରିରେ ବହୁତ କମ୍ ଶ୍ୟାମଳ ଲୋକ ଅଛନ୍ତି, ଆପଣ ଆଙ୍ଗୁଠିରେ ଆମକୁ ଗଣି ପାରିବେ । ଆମେ ଆମ ପରି ଲୋକଙ୍କ ପାଇଁ ଅଧିକ ସୁଯୋଗ ସୃଷ୍ଟି କରିବାକୁ ଚେଷ୍ଟା କରୁଛୁ । ତେଣୁ ଆମ ପାଇଁ ଏତେ ନକାରାତ୍ମକତା କାହିଁକି ?’
ଏହାବ୍ୟତୀତ ସେ ହଲିଉଡରେ ନିଜ କ୍ୟାରିୟର ଆରମ୍ଭ କରିବା ଦିନକୁ ମନେ ପକାଇ କହିଥିଲେ, ‘ଯେତେବେଳେ ମୁଁ ହଲିଉଡରେ କାମ କରିବା ଆରମ୍ଭ କଲି, ସେତେବେଳେ ମୁଁ ଅନୁଭବ କଲି ଯେ ଲୋକଙ୍କ ଚେତନା ସ୍ବାଭାବିକ ନୁହେଁ ଯେ ଜଣେ ମୁଖ୍ୟ ପୁରୁଷ କିମ୍ବା ମହିଳା ହଲିଉଡର ଏକ ମୁଖ୍ୟ ସ୍ରୋତରେ ଭାରତୀୟ ହୋଇପାରନ୍ତି। ମୁଁ ପ୍ରଶଂସକଙ୍କ ମଧ୍ୟରେ ପାର୍ଥକ୍ୟ ଲକ୍ଷ୍ୟ କରିବା ଆରମ୍ଭ କରି କରିଥିଲି, ଯେଉଁମାନେ ମୋତେ ଜାଣନ୍ତି ଏବଂ ମୋତେ ସ୍ନେହ କରନ୍ତି, ସେମାନେ ମୋର ପ୍ରଶଂସା କରନ୍ତି । ହେଲେ ମୁଁ ଅନ୍ୟ ପକ୍ଷରୁ ନିରାଶ ଅନୁଭବ କରିଥିଲି।’
@IANS
