ମୁମ୍ବାଇ: ସୁନ୍ଦରୀ ଅଭିନେତ୍ରୀ ନୁସରତ ଭରୁଚା ଲକଡାଉନ ପରେ ନିଜ କାମକୁ ଫେରିଛନ୍ତି । ହେଲେ ଇତିମଧ୍ୟରେ ତାଙ୍କ ଫ୍ୟାନ୍ସଙ୍କ ପାଇଁ ନୈରାଶ୍ୟଜନକ ଖବର ସାମ୍ନାକୁ ଆସିଛି । କାରଣ ଶୁଣିବାକୁ ମିଳୁଛି ସୁଟିଂ ସେଟରେ ଆହତ ହୋଇଛନ୍ତି ସେ । ଏହାର ସୂଚନା ସେ ଫ୍ୟାନ୍ସଙ୍କୁ ସୋସିଆଲ ମିଡିଆରେ ଦେଇଛନ୍ତି ।
ଇନଷ୍ଟାଗ୍ରାମ ଷ୍ଟୋରିରେ ନିଜର ଏକ ଫଟୋ ସେୟାର କରି ଲେଖିଛନ୍ତି, ‘କାମକୁ ଫେରି ପ୍ରଥମ ଦିନରେ ଆହତ।’ ଫଟୋରେ ଦେଖିବାକୁ ମିଳୁଛି ନୁସରତ ୱାର୍କଆଉଟ କରୁଥିବାର। ଆଉ ତାଙ୍କ ଅଣ୍ଟାରେ ବ୍ୟାଣ୍ଡେଜ ଲାଗିଛି ।
ପ୍ରକାଶ ଥାଉକି କମେଡି ଡ୍ରାମା ଫିଲ୍ମ ‘ପ୍ୟାର କା ପଞ୍ଚନାମା’ର ଦୁଇଟି ପାର୍ଟରେ ଶାନଦାର ଅଭିନୟ କରି ବଲିଉଡର ପପୁଲାର ହିରୋଇନ ସାଜିଛନ୍ତି । ଏହାବ୍ୟତୀତ ସେ ‘ସୋନୁ କେ ଟିଟୁ କି ସ୍ବିଟି’ ଓ ‘ଡ୍ରିମ ଗାର୍ଲ’ ଭଳି ଫିଲ୍ମରେ ମଧ୍ୟ ଜବରଦସ୍ତ ଅଭିନୟ କରିସାରିଛନ୍ତି ।
