ମୁମ୍ବାଇ: ବି-ଟାଉନର ହିମ୍ୟାନ ଧର୍ମେନ୍ଦ୍ର ଓ ଡ୍ରିମଗାର୍ଲ ହେମା ମାଳିନୀଙ୍କୁ ନେଇ ସାମ୍ନାକୁ ଆସିଛି ଗୁଡନ୍ୟୁଜ । ଦେଓଲ ପରିବାରେ ଖେଳିଯାଇଛି ଏବେ ଖୁସିର ମାହୋଲ । କାରଣ ପୁଣିଥରେ ଜେଜେବାପା-ଜେଜେମା' ସାଜିଛନ୍ତି ଏହି ଯୋଡି । ଚତୁର୍ଥଥର ଧର୍ମେନ୍ଦ୍ର ଓ ହେମା ଦୁଇ କୁନି ନାତୁଣୀଙ୍କୁ ଘରକୁ ସ୍ବାଗତ କରିଛନ୍ତି ।
ଆଜ୍ଞା ହଁ, ଦୁଇ ଜାଆଁଳା ବେବି ଗାର୍ଲଙ୍କୁ ଜନ୍ମ ଦେଇଛନ୍ତି ହେମା-ଧର୍ମେନ୍ଦ୍ରଙ୍କ ସାନ ଝିଅ ଆହାନା ଦେଓଲ । ଯାହାର ସୂଚନା ଦେଇ ସେ ଇନଷ୍ଟାଗ୍ରାମରେ ଏକ ପୋଷ୍ଟ କରିଛନ୍ତି । ଆଉ କ୍ୟାପସନରେ ଲେଖିଛନ୍ତି, ‘ଆମର ଯାଆଁଳା ଝିଅ ଆଷ୍ଟ୍ରେୟା ଏବଂ ଆଡେଆ ବୋହରା( astraia and adea vohra)ଙ୍କ ବିଷୟରେ ଆପଣଙ୍କୁ ଜଣାଇ ଖୁସି ଅନୁଭବ କରୁଛୁ । ଜନ୍ମ 26 ନଭେମ୍ବର 2020 ଗର୍ବିତ ପିତାମାତା ଆହାନା ଏବଂ ବୈଭବ । ଉତ୍ସାହିତ ଭାଇ ଡାରିଆନ୍ ବୋହରା ।’
