ମୁମ୍ବାଇ: ଫେମସ ଆକ୍ଟର ବିକ୍କୀ କୌଶଲ ଓ ବିଶ୍ବ ସୁନ୍ଦରୀ ମାନୁଷୀ ଛିଲ୍ଲରଙ୍କୁ ନେଇ ଚର୍ଚ୍ଚା । ଦୁଇଜଣ ପରସ୍ପରକୁ ସୋସିଆଲ ମିଡିଆରେ ଫଲୋ କରୁଥିବାର ନଜର ଆସୁଛନ୍ତି । ଯାହାକୁ ନେଇ ଫ୍ୟାନ୍ସ ଅନେକ କଳ୍ପାନାଜଳ୍ପନା କରୁଛନ୍ତି । ଶୁଣିବାକୁ ମିଳୁଛି ଯେ ବିକ୍କୀ ଓ ମାନୁଷୀ ଖୁବଶୀଘ୍ର ୟଶରାଜ ଫିଲ୍ମସ ବ୍ୟାନରରେ ନିର୍ମାଣ ହେବାକୁ ଯାଉଥିବା କମେଡି ଡ୍ରାମା ଫିଲ୍ମରେ ଏକାଠି ନଜର ଆସିବେ ।
କଥାଟି ହେଲା ଯେ ୟଶରାଜ ଫିଲ୍ମସ 50 ବର୍ଷର ଯାତ୍ରା ପୂରଣ କରିବାକୁ ଯାଉଛି । ଏହି ଅବସରରେ କିଛି ବଡ ଫିଲ୍ମର ଘୋଷଣା ବ୍ୟାନର ତରଫରୁ କରାଯିବ । ୟଶରାଜ ବ୍ୟାନର ଆଗାମୀ ଫିଲ୍ମରେ ସୁପରଷ୍ଟାର ସଲମାନ ଖାନ, ଶାହରୁଖ ଖାନ, ଅଜୟ ଦେବଗନ ନଜର ଆସିବେ । ଏହି କ୍ରମରେ ବିକ୍କୀଙ୍କ ଆଗାମୀ କମେଡି ଫିଲ୍ମ ମଧ୍ୟ ସାମିଲ ଅଛି ।
ଆଉ ଏବେ ଚର୍ଚ୍ଚା ଜୋର ଧରିଛି ଯେ ଏହି କମେଡି ଫିଲ୍ମରେ ବିକ୍କୀଙ୍କ ସହ ରୋମାନ୍ସ କରୁଥିବାର ଦେଖାଯିବେ ମାନୁଷୀ । ଦୁଇଜଣ ସୋସିଆଲ ମିଡିଆରେ ପରସ୍ପରକୁ ଫଲୋ କରିବା ଆରମ୍ଭ କରିଥିବାରୁ ଫ୍ୟାନ୍ସଙ୍କୁ ଏହି ଖବର ବର୍ତ୍ତମାନ ପକ୍କା ଲାଗୁଛି ।
