ମୁମ୍ବାଇ: ଛୋଟ ପରଦାର ଫେମସ ରିୟାଲିଟି ଶୋ ‘ବିଗବସ 7’ର ଏକ୍ସ ପ୍ରତିଯୋଗୀ ଗୌହର ଖାନ ନିକଟରେ ବୟଫ୍ରେଣ୍ଡ ଜୈଦ ଖାନଙ୍କୁ ବିବାହ କରିଥିଲେ । ବିବାହ ଫଙ୍କ୍ସନ ଶେଷ କରି ସେ ନିଜ କାମକୁ ଫେରିଛନ୍ତି । ନିକଟରେ ଗୌହର ମୁମ୍ବାଇ ବିମାନବନ୍ଦରରେ ନଜର ଆସିଥିଲେ । ମୁଖ୍ୟ କଥା ହେଲା ଯେ ସେ ଯେଉଁ ଫ୍ଲାଇଟରେ ଥିଲେ ସେଥିରେ ତାଙ୍କ ଏକ୍ସବୟଫ୍ରେଣ୍ଡ ତଥା ଅଭିନେତା କୁଶଲ ଟଣ୍ଡନ ମଧ୍ୟ ଥିଲେ । ଏଭଳି ପରିସ୍ଥିତିରେ କୁଶଲ ଏକ ଭିଡିଓ ସେୟାର କରି ଅଭିନେତ୍ରୀଙ୍କୁ ବିବାହ ଶୁଭେଚ୍ଛା ଜଣାଇଛନ୍ତି ।
ସେହିପରି ସେ ଭିଡିଓରେ କହିଛନ୍ତି, ‘ବନ୍ଧୁ କି ଭଲ ସୁଯୋଗ । ମୁଁ ଗୋଟିଏ ସ୍ଥାନକୁ ଯାଉଥିଲି ଆଉ ଦେଖନ୍ତୁ ମତେ ଫ୍ଲାଇଟରେ ମୋର ପୁରୁଣା ବନ୍ଧୁ ଦେଖା ହୋଇଗଲେ । ଯିଏ ନିକଟରେ ବିବାହ କରିଛନ୍ତି । ସେ ମୋ ପାଖ ସିଟ୍ରେ ବସିଛନ୍ତି । ଯାହା ବାଇ ଚାନ୍ସ ଆମ ଦୁଇଜଣଙ୍କ ସାକ୍ଷାତ ହୋଇଛି । ମୁଁ ତାଙ୍କୁ ଷ୍ଟକ କରୁନଥିଲି । ହୁଏତଃ ମତେ ତୁମଙ୍କୁ ବିବାହର ଶୁଭେଚ୍ଛା ଜଣାଇବାର ଥିଲା । ତୁମ ପାଇଁ ମୁଁ ବହୁତ ଖୁସି ଅନୁଭବ କରୁଛି । ବିବାହର ଶୁଭେଚ୍ଛା ଗୌହର ।’
ପ୍ରକାଶ ଥାଉକି କୁଶାଲଙ୍କ ଓ ଗୌହର ବିଗବସ 7ରେ ପ୍ରତିଯୋଗୀ ରୂପେ ଯୋଗ ଦେଇଥିଲେ । ଯାହାପରେ ଦୁଇଜଣଙ୍କ ମଧ୍ୟରେ ପ୍ରେମ ସମ୍ପର୍କ ସୃଷ୍ଟି ହୋଇଥିଲା । ହେଲେ ବର୍ଷେ ରିଲେସନଶିପରେ ରହିବା ପରେ ଦୁଇଜଣ ବ୍ରେକଅପ୍ କରିନେଇଥିଲେ ।
