ମୁମ୍ବାଇ: ଅର୍ଜୁନ ରାମପାଲଙ୍କ ଫ୍ୟାନ୍ସ ପାଇଁ ଖୁସି ଖବର । ନିକଟରେ କୋରୋନା ସଂକ୍ରମିତ ହୋଇଥିବା ଅଭିନେତାଙ୍କ ରିପୋର୍ଟ ବର୍ତ୍ତମାନ ନେଗେଟିଭ ଆସିଛି । ଏକ ସପ୍ତାହ ଏହି ମହାମାରୀ ସହ ଲଢିବା ପରେ ଏବେ ସେ ସୁସ୍ଥ ଅଛନ୍ତି । ସେ ଏତେ ଶୀଘ୍ର ସୁସ୍ଥ ହେବାର କାରଣ ସୋସିଆଲ ମିଡିଆରେ ଜଣାଇଛନ୍ତି ।
- " class="align-text-top noRightClick twitterSection" data="
">
ସେ ଇନଷ୍ଟାଗ୍ରାମରେ ଏକ ପୋଷ୍ଟ କରି ଲେଖିଛନ୍ତି, ‘ମୁଁ ସେହି ସମସ୍ତ ପୀଡିତ ଏବଂ ପରିବାରବର୍ଗଙ୍କୁ ସେମାନଙ୍କର କ୍ଷତି ପାଇଁ ପ୍ରାର୍ଥନା କରୁଛି । ଉଭୟ ପରୀକ୍ଷା ନକରାତ୍ମକ ହେବା ପରେ ମୁଁ ବହୁତ ଆଶୀର୍ବାଦ ଅନୁଭବ କରୁଛି । ଭଗବାନ ଦୟାଳୁ ଅଟନ୍ତି। ଡାକ୍ତର କହିଥିଲେ ଯେ ମୁଁ ଏତେ ଶୀଘ୍ର ସୁସ୍ଥ ହେବାର କାରଣ ପ୍ରଥମ ଭ୍ୟାକ୍ସିନ ଡୋଜ ନେବା । ଏହିପରି ଭାଇରାଲ ଭାର ବହୁତ ହ୍ରାସ ପାଇଲା । ମୁଁ ସମସ୍ତଙ୍କୁ ଅନୁରୋଧ କରିଛୁ ଯଥାଶୀଘ୍ର ଟୀକାକରଣ କର ଏବଂ ସମସ୍ତ ସୁରକ୍ଷା ବ୍ୟବସ୍ଥା ଜାରି ରଖ । ତୁମର ପ୍ରେମ ଏବଂ ଶୁଭେଚ୍ଛା ପାଇଁ ଧନ୍ୟବାଦ | ସକାରାତ୍ମକ ରୁହ, ସୁରକ୍ଷିତ ରୁହ । ସ୍ମାର୍ଟ ହୁଅ । ଏ ସମୟ ମଧ୍ୟ ବିତିଯିବ ।’
ପ୍ରକାଶ ଥାଉକି ଶନିବାର ସେ ସୋସିଆଲ ମିଡିଆରେ ଟେଷ୍ଟ ରିପୋର୍ଟ ପଜିଟିଭ ଆସିବା ସୂଚନା ଦେଇ ଫ୍ୟାନ୍ସଙ୍କ ମନ ଦୁଃଖ କରିଦେଇଥିଲେ । ଅର୍ଜୁନଙ୍କ ବ୍ୟତୀତ ଅନେକ ସେଲିବ୍ରିଟି ଏହି ସଂକ୍ରମଣରେ ସଂକ୍ରମିତ ହୋଇସାରିଲେଣି ।
