ନୂଆଦିଲ୍ଲୀ: ଟିଭିର ପପୁଲାର ସିରିୟଲ ‘କସୌଟି ଜିନ୍ଦେଙ୍ଗୀ କି’ ସହିତ ଲୋକପ୍ରିୟତା ହାସଲ କରିଥିବା ଅଭିନେତା ପାର୍ଥ ସମଥାନ ଏବେ ଚର୍ଚ୍ଚାରେ । ସେ ଖୁବଶୀଘ୍ର ବଲିଉଡ ଡେବ୍ୟୁ କରିବାକୁ ଯାଉଛନ୍ତି।
ସୂଚନା ଅନୁସାରେ, ପାର୍ଥଙ୍କ ଡେବ୍ୟୁ ଫିଲ୍ମରେ ଲିଡ ରୋଲରେ ନଜର ଆସିବେ ବଲିଉଡ ଅଭିନେତ୍ରୀ ଆଲିଆ ଭଟ୍ଟ । ଏକ ସାକ୍ଷାତକାରରେ ପାର୍ଥ ଏହା ନିଶ୍ଚିତ କରିଛନ୍ତି ।
ଅଭିନେତା କହିଛନ୍ତି ଯେ, ଚଳିତ ବର୍ଷ ସେ ତାଙ୍କର ପ୍ରଥମ ବଲିଉଡ ଫିଲ୍ମ ପାଇଁ ସୁଟିଂ କରିବେ । ଏହି ଫିଲ୍ମ ବର୍ତ୍ତମାନ ପ୍ରି-ପ୍ରଡକ୍ସନରେ ଅଛି । ଏହା ତାଙ୍କ ପାଇଁ ଏକ ବଡ଼ ସୁଯୋଗ ଏବଂ ସେ ଏହାକୁ ହରାଇବାକୁ ଚାହୁଁନାହାଁନ୍ତି । ଏହି ଚଳଚ୍ଚିତ୍ରରେ ସେ ନିଜର ଶତ ପ୍ରତିଶତ ଦେବାକୁ ଚାହୁଁଛନ୍ତି ଏବଂ ସେ ଆଶା କରୁଛନ୍ତି ଯେ ସବୁକିଛି ଠିକ ହବ ।
ଶୁଣିବାକୁ ମିଳିଛି, ପାର୍ଥଙ୍କୁ ରେସୁଲ ପୁକୁଟ୍ଟିଙ୍କ ନିର୍ଦେଶନାରେ ନିର୍ମିତ ହେଉଥିବା ଫିଲ୍ମ ‘ପିହରୱା’ରେ ଆଲିଆଙ୍କ ସହ ରୋମାନ୍ସ କରିବା ଦେଖିବାକୁ ମିଳିବ । ଫିଲ୍ମ ନିର୍ମାତା ଓ ପାର୍ଥଙ୍କ ମଧ୍ୟରେ ଏ ନେଇ ଆଲୋଚନା ଚାଲିଛି । ତେବେ ପାର୍ଥଙ୍କୁ ସାଇନ କରାଯାଇଛି କି ନାହିଁ, ସେ ସମ୍ପର୍କରେ କୌଣସି ସ୍ପଷ୍ଟ ସୂଚନା ମିଳି ନାହିଁ । ଖୁବଶୀଘ୍ର ଏହାର ଘୋଷଣା କରାଯିବ ବୋଲି କୁହାଯାଉଛି ।
ପ୍ରକାଶ ଥାଉ ଯେ, ଏକତା କପୁରଙ୍କ ଟେଲିଭିଜନ ଶୋ ବ୍ୟତୀତ ପାର୍ଥ ନିଶା ଏବଂ ତୁ ଜୋ କହେ ଏବଂ ଆଖ୍ରି ବାର ଭଳି ଗୀତର ଭିଡିଓରେ ମଧ୍ୟ ଅଭିନୟ କରିଛନ୍ତି ।
