ମୁମ୍ବାଇ: ରାଜକୀୟ ସମ୍ମାନର ସହ ପ୍ରସିଦ୍ଧ ଶାସ୍ତ୍ରୀୟ ଗାୟକ ପଣ୍ଡିତ ଯଶରାଜଙ୍କ ଅନ୍ତିମ ସଂସ୍କାର କରାଯାଇଛି । ତାଙ୍କ ଅନ୍ତିମସଂସ୍କାରର ଲାଇଭ୍ ଅନେକ ସୋସିଆଲ ମିଡିଆ ପ୍ଲାଟଫର୍ମରେ ପ୍ରସାରଣ କରାଯାଇଥିଲା । ଫେସବୁକର ଆର୍ଟ ଆଣ୍ଡ ଆର୍ଟିଷ୍ଟ, ଦୁର୍ଗା ଯଶରାଜ, ସାରଙ୍ଗ ଦେବ, ମଥୁରା ଯଶରାଜ ଓ ପଣ୍ଡିତ ଯଶରାଜ ଭଳି ଅନେକ ପେଜରେ ଲାଇଭ୍ ପ୍ରସାରଣ କରାଯାଇଛି ।
ଯଶରାଜଙ୍କ ଶରୀରକୁ ତ୍ରିରଙ୍ଗାରେ ଗୁଡେଇବା ସହ ରାଷ୍ଟ୍ରିୟ ରାଇଫେଲ 21 ଗୁଳିରେ ସଲାମି ଦିଆଯାଇଛି । ଏହାପରେ ତାଙ୍କ ପ୍ରାର୍ଥିବ ଶରୀରକୁ ପାର୍ଲେ ସ୍ଥିତ ପବନହଂସ ଶ୍ମଶାନ ଘାଟକୁ ନିଆଯାଇଥିଲା ଓ ସେଠାରେ ତାଙ୍କର ଅନ୍ତିମ ସଂସ୍କାର କରାଯାଇଛି । ପ୍ରକାଶଥାଉକି, ଯଶରାଜଙ୍କ ମୃତଦେହକୁ ବୁଧବାର ମୁମ୍ବାଇ ଅଣା ଯାଇଥିଲା ।
ସୋମବାର ଯଶରାଜଙ୍କ ଆମେରିକାରେ ନିଧନ ହୋଇଛି । ମୃତ୍ୟୁ ବେଳକୁ ତାଙ୍କୁ 90 ବର୍ଷ ବୟସ ହୋଇଥିଲା । ତାଙ୍କୁ ସମସ୍ତ ପଦ୍ମ ପୁରସ୍କାର ଯଥା, ପଦ୍ମଶ୍ରୀ, ପଦ୍ମବିଭୂଷଣ, ପଦ୍ମଭୂଷଣରେ ସମ୍ମାନିତ କରାଯାଇଥିଲା । ସେ 14 ବର୍ଷ ବୟସରେ ଶାସ୍ତ୍ରୀୟ ସଙ୍ଗୀତ ଶିକ୍ଷା ଗ୍ରହଣ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
