ମୁମ୍ବାଇ: ବି-ଟାଉନର ବିଶିଷ୍ଟ ଅଭିନେତା ଋଷି କପୁର ପାଖାପାଖି 8 ମାସ ହେଲାଣି ନ୍ୟୁୟର୍କରେ ଚିକିତ୍ସିତ ହେଉଛନ୍ତି । ତାଙ୍କ ସହ ପତ୍ନୀ ନୀତୁ ସିଂହ ମଧ୍ୟ ନ୍ୟୁୟର୍କରେ ଅଛନ୍ତି । ଏହି 8 ମାସ ମଧ୍ୟରେ ଋଷିଙ୍କୁ ସାକ୍ଷାତ କରିବାକୁ ଅନେକ ସେଲିବ୍ରିଟି ନ୍ୟୁୟର୍କ ଯାତ୍ରା କରିସାରିଛନ୍ତି । ପ୍ରାୟତଃ ବଲିଉଡ ଷ୍ଟାର ତାଙ୍କୁ ସାକ୍ଷାତ କରିବାକୁ ଯାଉଥିବାର ମଧ୍ୟ ଦେଖାଯାଇଛି । ଅନେକ ଷ୍ଟାରଙ୍କ ସହ ନୀତୁ ସୋସିଆଲ ମିଡିଆରେ ଫଟୋ ମଧ୍ୟ ସେୟାର କରିଛନ୍ତି ।
ଇତି ମଧ୍ୟରେ ଋଷିଙ୍କୁ ସାକ୍ଷାତ କରିବାକୁ ଏଥର ବଲିଉଡ ଷ୍ଟାର ନୁହେଁ ପାକିସ୍ତାନୀ ଅଭିନେତ୍ରୀ ମାୱରା ହୋକେନ ନ୍ୟୁୟର୍କରେ ପହଞ୍ଚିଛନ୍ତି । ଏହି ସୂଚନା ଋଷି ଦେଇଛନ୍ତି ।
ସୋସିଆଲ ମିଡିଆରେ ଋଷି କପୁରଙ୍କ ଜଣେ ଫ୍ୟାନ ତାଙ୍କ ଫଟୋ ସେୟାର କରି ପ୍ରଶ୍ନ କରିଛନ୍ତି ଏହି ମହିଳା କିଏ ? ତାଙ୍କୁ ମଧ୍ୟ ସେଲ୍ଫି ଦରକାର । ଏହାର ଜବାବରେ ଋଷି ଲେଖିଛନ୍ତି, "ଏ ପାକିସ୍ତାନର ଫେମସ ଅଭିନେତ୍ରୀ ମାୱରା ହୋକେନ । ତାଙ୍କ ସହ ତାଙ୍କ ବନ୍ଧୁ ଖାଂତିଜା, ଦୁଇଜଣଙ୍କ ସହ ସାକ୍ଷାତ କରି ଭଲ ଲାଗିଲା ।" ଆପଣ ମଧ୍ୟ ଦେଖନ୍ତୁ ଋଷି ଓ ମାୱରାଙ୍କ ଏହି ଶାନଦାର ଫଟୋ...
