ମୁମ୍ବାଇ: ତେଲୁଗୁ ସୁପରଷ୍ଟାର ପ୍ରଭାସ ଓ ଶ୍ରଦ୍ଧା କପୁରଙ୍କ ବହୁ ପ୍ରତୀକ୍ଷିତ ଫିଲ୍ମ ‘ସାହୋ’ ଅଗଷ୍ଟ 30ରେ ରିଲିଜ ହେବ । ରିଲିଜ ପୂର୍ବରୁ ଦର୍ଶକ ଫିଲ୍ମକୁ ନେଇ ଖୁବ୍ ଉତ୍ସାହିତ । ଏଯାବତ ରିଲିଜ ହୋଇଥିବା ଫିଲ୍ମର ଟିଜର ଏବଂ ଗୀତକୁ ମଧ୍ୟ ଖୁବ୍ ପସନ୍ଦ କରାଯାଇଛି । ଏମିତିରେ ଅନେକ ଫିଲ୍ମ ମେକର୍ସ ଅଛନ୍ତି ‘ସାହୋ’ ରିଲିଜ ତାରିଖକୁ ଦେଖି ନିଜ ଫିଲ୍ମର ରିଲିଜ ତାରିଖ ପରିବର୍ତ୍ତନ କରି ଦେଇଛନ୍ତି।
ପ୍ରଭାସ ନିଜ ଆଗାମୀ ଫିଲ୍ମ ‘ସାହୋ’ ପାଇଁ ଅନ୍ୟ ଫିଲ୍ମର ରିଲିଜ ତାରିଖ ସ୍ଥଗିତ କରିଯାଇଥିବାରୁ ସେ ନିର୍ଦ୍ଦେଶକ ଏବଂ ନିର୍ମାତାଙ୍କୁ ସୋସିଆଲ ମିଡିଆରେ ଧନ୍ୟବାଦ ଜଣାଇଛନ୍ତି । ସେ ଏକ ନୋଟ ସେୟାର କରିଛନ୍ତି ଆଉ ସେଥିରେ ଲେଖିଛନ୍ତି, ‘‘ଫିଲ୍ମର ସବୁ କଳାକାର, ନିର୍ମାତା ଏବଂ ନିର୍ଦ୍ଦେଶକଙ୍କୁ ବହୁତ ବହୁତ ଧନ୍ୟବାଦ । ଯିଏ ସାହୋର ସୁବିଧା ପାଇଁ ନିଜ ଫିଲ୍ମ ରିଲିଜ ତାରିଖକୁ ରିସିଡ୍ୟୁଲ କରିଛନ୍ତି । ଟିମ ସାହୋ ଆପଣଙ୍କ ଋଣୀ ଏବଂ ଆମେ ଆପଣଙ୍କ ଫିଲ୍ମ ପାଇଁ ଶୁଭକାମନା ଜଣାଉଛୁ ।’’
ନିତେଶ ତିୱାରୀଙ୍କ ଫିଲ୍ମ ‘ଛିଛୋରେ’ ପୂର୍ବରୁ ଅଗଷ୍ଟ 30ରେ ରିଲିଜ ହେବାର ଥିଲା । କିନ୍ତୁ ଏବେ ସେପ୍ଟେମ୍ବର 6 ତାରିଖରେ ରିଲିଜ ହେବ । ଅନ୍ୟପଟେ ରାଜକୁମାର ରାଓ ଓ ମୌନୀ ରାୟଙ୍କ ଫିଲ୍ମ ‘ମେଡ ଇନ ଚାଇନ’ ମଧ୍ୟ ଏହି ତାରିଖରେ ରିଲିଜ ହୋଇଥାଆନ୍ତା । ଏହି ଫିଲ୍ମର ନିର୍ମାତା ମଧ୍ୟ ନିଜର ଯୋଜନାକୁ ପରିବର୍ତ୍ତନ କରିନେଇଛନ୍ତି । କିନ୍ତୁ ଏଯାବତ ଫିଲ୍ମର ନୂଆ ରିଲିଜ ତାରିଖ ବିଷୟରେ ଘୋଷଣା କରିନାହାଁନ୍ତି ।
ଅଗଷ୍ଟରେ 30ରେ ରିଲିଜ ହେବାକୁ ଯାଉଥିବା ‘ସାହୋ’ ମଧ୍ୟ ପୂର୍ବରୁ ଅଗଷ୍ଟ 15ରେ ରିଲିଜ ହୋଇଥାଆନ୍ତା । ଅନ୍ୟପଟେ କିନ୍ତୁ ଅକ୍ଷୟ କୁମାରଙ୍କ ‘ମିଶନ ମଙ୍ଗଲ’ ଓ ଜନ ଆବ୍ରାହମଙ୍କ ଫିଲ୍ମ ‘ବାଟଲା ହାଉସ’ ଏହି ଦିନରେ ରିଲିଜ ହେବ । ଯାହାକୁ ଦୃଷ୍ଟିରେ ରଖି ସାହୋ ମେକର୍ସ ଫିଲ୍ମ ରିଲିଜ ତାରିଖ ଘୁଞ୍ଚାଇଥିଲେ ।
