ଭୁବନେଶ୍ବର: ବହୁ ପ୍ରତିକ୍ଷିତ ଚଳଚ୍ଚିତ୍ର 'ବିଜୁବାବୁ'ର ଟ୍ରେଲର କିଛି ଦିନ ପୂର୍ବରୁ ରିଲିଜ ହୋଇଥିଲା । ବର୍ତ୍ତମାନ ଏହି ଚଳଚ୍ଚିତ୍ରକୁ ନେଇ ଦର୍ଶକଙ୍କ ମଧ୍ୟରେ କ୍ରେଜ ଦେଖିବାକୁ ମିଳିଛି । ଚଳଚ୍ଚିତ୍ରଟିକୁ ବଡ ପରଦାରେ ଦେଖିବାକୁ ଅପେକ୍ଷା କରିବସିଛନ୍ତି ଦର୍ଶକ ।
ଚଳଚ୍ଚିତ୍ରରେ ମୁଖ୍ୟ ଭୂମିକାରେ ନଜର ଆସିବେ ଓଲିଉଡ ସୁପରଷ୍ଟାର ଅନୁଭବ ମହାନ୍ତି । ତାଙ୍କ ସହ ଚଳଚ୍ଚିତ୍ରରେ ଦେଖାଯିବେ ସୁପ୍ରିୟା । ଅନ୍ୟ ପଟେ ଚଳଚ୍ଚିତ୍ରରେ ଶାନଦାର କମେଡି ଟୁଇଷ୍ଟ ଦେଛନ୍ତି ଓଲିଉଡ କମେଡିଆନ ପ୍ରଜ୍ଞା ।
ଇତିମଧ୍ୟରେ ପ୍ରଜ୍ଞା ଇଟିଭିକୁ ଦେଇଛନ୍ତି ସ୍ବତନ୍ତ୍ର ସାକ୍ଷାତକାର । ଏହି ସାକ୍ଷାତକାରରେ ନିଜ ଭୂମିକାକୁ ନେଇ ମୁହଁ ଖୋଲିଛନ୍ତି ପ୍ରଜ୍ଞା । ସେ କହିଛନ୍ତି 'ବିଜୁବାବୁ' ଚଳଚ୍ଚିତ୍ରରେ ସେ ଅନୁଭବଙ୍କ ମାମୁଁ ଭୂମିକାରେ ଅଭିନୟ କରିଛନ୍ତି। ଯାହା ଦର୍ଶକଙ୍କୁ ନିହାତି ହସାଇବ ।
ଅନ୍ୟ ପଟେ ଚଳଚ୍ଚିତ୍ର ମ୍ୟୁଜିକ ଦାୟିତ୍ବ ତୁଲାଇଛନ୍ତି ଓଡି଼ଶାର ଜଣାଶୁଣା ମ୍ୟୁଜିକ ନିର୍ଦ୍ଦେଶକ ପ୍ରେମ ଆନନ୍ଦ ଓ କଣ୍ଠଦାନ କରିଛନ୍ତି ହ୍ୟୁମାନ ସାଗର, ଶ୍ରୀତମ ନନ୍ଦ, ଅନନ୍ୟା , ଦୀପ୍ତିରେଖା ।
ଚଳଚ୍ଚିତ୍ରଟି ବିଜୁବାବୁଙ୍କ ବାୟୋପିକ ନୁହେଁ । କିନ୍ତୁ ବିଜୁବାବୁଙ୍କ ନୀତି, ଆଦର୍ଶ ଚଳଚ୍ଚିତ୍ରରେ ଦେଖିବାକୁ ମିଳିବ ବୋଲି ନିକଟରେ କହିଥିଲେ ଫିଲ୍ମ ନିର୍ମାତା ନୀଳମାଧଵ ପଣ୍ଡା । ଚଳଚ୍ଚିତ୍ରରେ ଭରପୁର କମେଡି, ଆକ୍ସନ, ଡ୍ରାମା ଦେଖିବେ ଦର୍ଶକ ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
