ମୁମ୍ବାଇ: ଏବେ ଲାଗୁଛି ଯେ ବଲିଉଡରେ ଧିରେ ଧିରେ ବେଲୀ ଡାନ୍ସର ନୋରା ଫତେହୀଙ୍କ ଚାହିଦା ବଢିବାରେ ଲାଗିଛି । କାରଣ ତାଙ୍କର ଗୋଟିଏ ପରେ ଗୋଟିଏ ଆଇଟମ ଡାନ୍ସ ଦର୍ଶକଙ୍କ ମନ କିଣୁଛି । ସେ ଦର୍ଶକଙ୍କ ଏକ୍ସାଇଟମେଣ୍ଟ ବଢାଇବା ପାଇଁ ପୁଣି ପ୍ରସ୍ତୁତ ହୋଇସାରିଲେଣି ପରଦାରେ ନଜର ଆସିବାକୁ। ଖୁବଶୀଘ୍ର ସେ ଆଉ ଏକ ଡାନ୍ସ ନମ୍ବର ଜରିଆରେ ଦର୍ଶକଙ୍କ ନଚାଇବେ । ଆଜ୍ଞା ହଁ, ଯାହାର ଟିଜର ରିଲିଜ ହୋଇଯାଇଛି । ଗୀତ ରିଲିଜ ହେବା ପୂର୍ବରୁ ଇଣ୍ଟରନେଟରେ ଚହଳ ସୃଷ୍ଟି କରିଛି ନୋରାଙ୍କ ଟିଜର ଭିଡିଓ ।
- " class="align-text-top noRightClick twitterSection" data="
">
ଏଥର ନୋରାଙ୍କ ଏହି ଆଇଟମ ଗୀତ ଏତେ ଦମଦାର ହୋଇଛି ଯେ ଆପଣ ତାଙ୍କ ପୂର୍ବ ଡାନ୍ସ ନମ୍ବର୍ସ ‘ସାକି ସାକି’ ଏବଂ ‘ଦିଲବର ଦିଲବର’ ମଧ୍ୟ ଭୁଲି ଯିବେ । ନୋରାଙ୍କ ‘ପ୍ୟାର ଦୋ ପ୍ୟାର ଲ’ ରିମେକ ଡାନ୍ସ ନମ୍ବରଟି ରିଲିଜ ହେବାକୁ ଯାଉଥିବା ସିଦ୍ଧାର୍ଥ ମଲହୋତ୍ରା, ତାରା ସୁତାରିୟା ଓ ରିତେଶ ଦେଶମୁଖଙ୍କ ଚର୍ଚ୍ଚିତ ଫିଲ୍ମ ‘ମରଜାୱାଂ’ର ।
ଆସନ୍ତା କାଲି (ଗୁରୁବାର) ରିଲିଜ ହେବ ଏହି ଗୀତଟି । ଏହାର ସୂଚନା ଦର୍ଶକଙ୍କୁ ଫିଲ୍ମ କ୍ରିଟିକ ତରଣ ଆଦର୍ଶ ଟ୍ବିଟରରେ ଟିଜର ସେୟାର କରି ଦେଇଛନ୍ତି । ସବୁଥର ପରି ଏଥର ମଧ୍ୟ ନୋରାଙ୍କ ଜଲୱା ଦେଖିବାକୁ ମିଳିବ । ନିଜ ଡାନ୍ସ ଦ୍ବାରା ଦର୍ଶକଙ୍କୁ ଘାଇଲା କରିବେ ନୋରା ।
