ମୁମ୍ବାଇ: ସୋନି ଲିଭର ଆଗାମୀ ଚର୍ଚ୍ଚିତ ପଲଟିକାଲ ଡ୍ରାମା ସିରିଜ ‘ମହାରାନୀ’ର ଜବରଦସ୍ତ ଟ୍ରେଲର ରିଲିଜ ହୋଇଯାଇଛି । ମୁଖ୍ୟ ଭୂମିକାରେ ନଜର ଆସୁଛନ୍ତି ଅଭିନେତ୍ରୀ ହୁମା କୁରୈଶୀ । ଯିଏ ଫିଲ୍ମରେ ଜଣେ ବିହାରୀ ହାଉସୱାଇଫ୍ ଭୂମିକାରେ ଅଭିନୟ କରୁଛନ୍ତି । ହେଲେ ହାଉସୱାଇଫ୍ରୁ କିପରି ସେ ଜଣେ ରାଜନେତ୍ରୀ ସାଜୁଛନ୍ତି ତାନେଇ ଆଧାରିତ ଫିଲ୍ମର କାହାଣୀ । ଯାହାର ଝଲକ ଟ୍ରେଲରରେ ଦେଖିବାକୁ ମିଳୁଛି ।
ଆସନ୍ତା 28 ତାରିଖରେ ଷ୍ଟ୍ରିମିଂ ହେବାକୁ ଯାଉଥିବା ଏହି ସିରିଜରେ ହୁମାଙ୍କ ବ୍ୟତୀତ ସୋହମ ଶାହ, ଇନାମ ଉଲ ହକ୍, ଅମିତ ସାଇଲ, ପ୍ରମୋଦ ପାଠକ ମଧ୍ୟ ନଜର ଆସିବେ। ସେହିପରି ସୋହମ ସିରିଜରେ ହୁମାଙ୍କ ସ୍ବାମୀ ଭୂମିକାରେ ଅଭିନୟ କରୁଛନ୍ତି ।
- " class="align-text-top noRightClick twitterSection" data="">
ନିକଟରେ ଏହି ସିରିଜ ବିଷୟରେ ଆଲୋଚନା କରି ହୁମା କହିଥିଲେ, ‘ଏମିତି ବହୁତ କମ୍ ହୁଏ କି ଆପଣଙ୍କ ଏମିତି କୌଣସି ଭୂମିକା ମିଳିବ, ଯାହା ଆପଣଙ୍କ ଅଭିନୟର ସ୍ତରକୁ ଆହୁରି ବଢାଇ ଦିଏ । ରାନୀ ଭାରତୀ ଭୂମିକାରେ ଅଭିନୟ କରୁବାକୁ ମତେ ବେଶ୍ ମଜା ଆସିଥିଲା । ଆରମ୍ଭରେ ସେ ଜଣେ ଏମିତି ମହିଳାଙ୍କ ଭୂମିକାରେ ନଜର ଆସୁଛନ୍ତି ଯିଏ ସାଧାରଣ । ହେଲେ ପରିସ୍ଥିତି ତାଙ୍କୁ ଏପରି ମହିଳାରେ ପରିଣତ କରୁଛି, ଯାହା କମ୍ ଲୋକ କରିନ୍ତି । ଏହି ସିରିଜର ଦକ୍ଷ କଳାକାରଙ୍କ ସହ କାମ କରିବା ମୋ ପାଇଁ କୌଣସି ସ୍ବପ୍ନଠୁ କମ୍ ନୁହେଁ ।’
