ମୁମ୍ବାଇ: ଅଗଷ୍ଟ 30ରେ ରିଲିଜ ହେବାକୁ ପ୍ରସ୍ତୁତ ହୋଇସାରିଲାଣି ‘ବାହୁବଳୀ’ ଫେମ ପ୍ରଭାସ ଓ ଶ୍ରଦ୍ଧା କପୁରଙ୍କ ଅଭିନୀତ ଫିଲ୍ମ ‘ସାହୋ’ । ଦୀର୍ଘ ସମୟରୁ ଫିଲ୍ମକୁ ଦେଖିବାକୁ ଅପେକ୍ଷା କରିବସିଛନ୍ତି ଦର୍ଶକ । ଏହି ବିଗ ବଜେଟ ଫିଲ୍ମର ଟିଜର ରିଲିଜ ହେବା ପରଠାରୁ ଦର୍ଶକଙ୍କ ମଧ୍ୟରେ ଫିଲ୍ମକୁ ନେଇ ଏକ୍ସାଇଟେଡ ଭରିଯାଇଛି ।
ଦର୍ଶକଙ୍କ ଉତ୍ସାହ ବଢାଇବା ପାଇଁ ମଝିରେ ମଝିରେ ଫିଲ୍ମ ମେକର୍ସ ଫିଲ୍ମର ଗୀତ, ନୂଆ ପୋଷ୍ଟର ଇତ୍ୟାଦି ରିଲିଜ କରିବାରେ ଲାଗିଛନ୍ତି । ଇତିମଧ୍ୟରେ ଫିଲ୍ମରେ ପ୍ରଭାସ ଓ ଶ୍ରଦ୍ଧାଙ୍କ ସହ ମୁଖ୍ୟ ଭୂମିକାରେ ନଜର ଆସିବାକୁ ଯାଉଥିବା ଅଭିନେତା ନିଲ ନିତିନ ମୁକେଶଙ୍କ ନୂଆ ପୋଷ୍ଟର ଜାରି ହୋଇଯାଇଛି ।
ଯାହାକୁ ଟ୍ବିଟର ଆକାଉଣ୍ଟରେ ସେୟାର କରିଛନ୍ତି ଫିଲ୍ମ କ୍ରିଟିକ୍ସ ତରଣ ଆଦର୍ଶ । ଏହାକୁ ସେୟାର କରି ସେ ଫ୍ୟାନ୍ସଙ୍କୁ ‘ସାହୋ’ ଫିଲ୍ମରୁ ନିଲଙ୍କ ନୂଆ ପୋଷ୍ଟର ରିଲିଜ ହୋଇଛି ବୋଲି ସୂଚନା ଦେଇଛନ୍ତି । ଏହାସହ ଫିଲ୍ମଟି ଆସନ୍ତା 30ରେ ରିଲିଜ ହେବ ଲେଖିଛନ୍ତି ।
