ମୁମ୍ବାଇ: ଚଳଚ୍ଚିତ୍ର ନିର୍ମାତା ଅନୁରାଗ କାଶ୍ୟପଙ୍କ ବିରୋଧରେ ଯୌନ ନିର୍ଯାତନା ଅଭିଯୋଗ ଲଗାଇଥିବା ଅଭିନେତ୍ରୀ ପାୟଲ ଘୋଷ ଆଜି ରାଷ୍ଟ୍ରୀୟ ମହିଳା ଆୟୋଗର ଦିଲ୍ଲୀ କାର୍ଯ୍ୟାଳୟରେ ପହଞ୍ଚିଛନ୍ତି । ସେଠାରେ ସେ ମହିଳା ଆୟୋଗର ଅଧ୍ୟକ୍ଷ ରେଖା ଶର୍ମାଙ୍କୁ ଭେଟିଥିଲେ ।
ଏନସିଡବ୍ଲୁ ମୁଖ୍ୟଙ୍କୁ ଭେଟିଲେ ପାୟଲ ଘୋଷ
ଅଭିନେତ୍ରୀ କହିଛନ୍ତି, ରେଖା ମ୍ୟାଡାମଙ୍କ ସହ ଆଲୋଚନା କରିଛି । ସେମାନେ ସାହାଯ୍ୟ କରିବେ ବୋଲି ନିଶ୍ଚିତ କରିଛନ୍ତି ।
ନିକଟରେ ପାୟଲଙ୍କ ଅଭିଯୋଗରେ ଅନୁରାଗଙ୍କୁ ମୁମ୍ବାଇ ପୋଲିସ ପଚରାଉଚରା ପାଇଁ ଡାକି ତାଙ୍କୁ ପ୍ରାୟ 8 ଘଣ୍ଟା ପଚରାଉଚରା କରାଯାଇଥିଲା । ତାଙ୍କ ବିରୋଧରେ ଆସିଥିବା ସମସ୍ତ ଅଭିଯୋଗକୁ ଅନୁରାଗ ଅସ୍ବୀକାର କରିଛନ୍ତି ।
ଏହା ବ୍ୟତୀତ ଅଭିନେତ୍ରୀ ମହାରାଷ୍ଟ୍ର ଗୃହମନ୍ତ୍ରୀଙ୍କୁ ୱାଇ ପ୍ଲସ ସୁରକ୍ଷା ମାଗିଛନ୍ତି । ସେ କହିଛନ୍ତି ଯେ ତାଙ୍କ ଜୀବନ ପ୍ରତି ବିପଦ ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
