ନୂଆଦିଲ୍ଲୀ: ବଲିଉଡ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ଘଟଣାର ଯାଞ୍ଚ ପାଇଁ ସିବିଆଇର ସ୍ବତନ୍ତ୍ର ଇନଭେଷ୍ଟିଗେସନ ଟିମ (ଏସଆଇଟି) ମୁମ୍ବାଇ ଯାଇ ପ୍ରାୟ ଏକ ମାସ ପରେ ଦିଲ୍ଲୀ ଫେରିଛନ୍ତି ।
ସୋମବାର ଦିନ ସୁଶାନ୍ତଙ୍କ ମାମଲାରେ ତଦନ୍ତରେ ଯୋଗଦେବା ପାଇଁ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି) ଏସଆଇଟି ଜୟା ଶାହା ଏବଂ ଶ୍ରୁତି ମୋଦୀଙ୍କୁ ଡକାଇଛି।
- " class="align-text-top noRightClick twitterSection" data="
">
ସିବିଆଇ ଟିମ୍ ମୁମ୍ବାଇରେ ରହିବା ସମୟରେ ସୁଶାନ୍ତଙ୍କ ଭଉଣୀ ମିତୁ ସିଂ ଏବଂ ତାଙ୍କ ପିତା କେ କେ ସିଂ ଏବଂ ବଡ ଭଉଣୀ ରାନୀ ସିଂଙ୍କ ବୟାନ ରେକର୍ଡ କରିଥିଲା । ସିବିଆଇର ଏସଆଇଟି ସୁଶାନ୍ତଙ୍କ ଫ୍ଲାଟ ଏବଂ କପୁର୍ ହସ୍ପିଟାଲ ପରିଦର୍ଶନ କରିଥିଲା ଯେଉଁଠାରେ ତାଙ୍କର ଶବ ବ୍ୟବଚ୍ଛେଦ କରାଯାଇଥିଲା ।
ପ୍ରକାଶ ଥାଉ ଯେ, ସିବିଆଇ ବ୍ୟତୀତ ଇଡି ଏବଂ ଏନସିବି ମଧ୍ୟ ସୁଶାନ୍ତଙ୍କ ମୃତ୍ୟୁ ଘଟଣାର ଅନୁସନ୍ଧାନ କରୁଛନ୍ତି। ଡ୍ରଗ୍ ସମ୍ବନ୍ଧୀୟ ମାମଲାରେ ଏନସିବି ରିଆ, ଶୋୟିକ୍, ମିରାଣ୍ଡା, ସାୱନ୍ତଙ୍କୁ ଗିରଫ କରିଛି ।
