ମୁମ୍ବାଇ: ଛୋଟ ପରଦାର ଡାନ୍ସ ରିୟାଲିଟି ଶୋ ନଚ ବଲିଏ 9 ଦୀର୍ଘ ସମୟରୁ ଚର୍ଚ୍ଚାରେ । ଏଥରର ନଚ ବଲିଏ ସିଜନ 9 ଅନେକ ବାଦ ବିବାଦ ଦେଇ ଗତି କରିଛି । କେବେ ଶୋରେ ଏକ୍ସ କପଲଙ୍କ ଝଗଡା ତ ଆଉ କେବେ କପଲଙ୍କ ରୋମାନ୍ସ ଦେଖିବାକୁ ମିଳୁଛି । ଇତିମଧ୍ୟରେ ଶୋକୁ ନେଇ ବଡ ଖବର ସାମ୍ନାକୁ ଆସିଛି ଯେ ଜଜଙ୍କ ଉପରେ ରାଗିଛନ୍ତି କୋରିଓଗ୍ରାଫର୍ସ ।
ପ୍ରକାଶ ଥାଉକି ତିନୋଟି ପର୍ଫମାନ୍ସ ପରେ କୌଣସି ମଧ୍ୟ କୋରିଓଗ୍ରାଫର ସେଟକୁ ଆସିନଥିଲେ । ଏପିସୋଡର ସୁଟିଂ ମଲାଡ ଷ୍ଟୁଡିଓରେ ଚାଲିଛି । ଅନ୍ୟପଟେ ଜଜ ତଥା କୋରିଓଗ୍ରାଫର ଅହମ୍ମଦ ଖାନଙ୍କ ରୁଡ କମେଣ୍ଟ ପରେ କିଛି କୋରିଓଗ୍ରାଫର ଶୋରୁ ବୟକଟ କରିନେଇଛନ୍ତି ।
ଖାଲି ଏତିକି ନୁହେଁ ସେଟର ଉପସ୍ଥିତ ଥିବା ସତ୍ତ୍ବେ କୋରିଓଗ୍ରାଫର ଭୈଭବ ଘୁଗେ, ଅମନଦୀପ ନଟ୍ଟ, ୟଶ ପାଣ୍ଡ୍ୟା, ସୁଭାଷ ଓ ଅନୁରାଧ ଅୟ୍ୟଙ୍ଗର ସୁଟିଂରେ ଯୋଗ ଦେଇନଥିଲେ । ସମସ୍ତେ ମିଶି ସୁଟିଂରେ ଯୋଗ ଦେବାକୁ ମନା କରିଦେଇଥିଲେ ।
ପୁରା କଥାଟି ହେଲା କି ଗତ ସପ୍ତାହରେ ଦୁଇ ଯୋଡି ଅନୀତା ହଂସନନ୍ଦାନୀ, ରୋହିତ ରେଡ୍ଡୀ ଓ ପ୍ରିନ୍ସ ନରୁଲା ଏବଂ ତାଙ୍କ ପତ୍ନୀ ୟୁବିକା ଚୌଧୁରୀ ପର୍ଫମାନ୍ସ ଦେଇଥିଲେ । ଏହାପରେ ଜଜ ଅହମ୍ମଦ ତାଙ୍କ ପର୍ଫମାନ୍ସରେ କମେଣ୍ଟ କରି ଜିରୋ କହିଥିଲେ ।
ଯାହାକୁ ଆଧାର କରି କୋରିଓଗ୍ରାଫର୍ସ ଭୀଷଣ ରାଗିଯାଇଥିଲେ । ଆଉ ପରେ ଶୋର ବୟକଟ କରିବା ସହ ସୁଟିଂ ବନ୍ଦ ରଖିଥିଲେ । ଅନ୍ୟପଟେ ଜଜ ରବୀନା ଟଣ୍ଡନ, ଶୋର ଟିମ ଏବଂ ହୋଷ୍ଟ ମନୀଷ ପଲ କୋରିଓଗ୍ରାଫର୍ସଙ୍କୁ ବୁଝାଇବାକୁ ଚେଷ୍ଟା କରିବା ପରେ କୋରିଓଗ୍ରାଫର୍ସଙ୍କ ରାଗ ଶାନ୍ତ ପଡିଥିଲା ।
