ମୁମ୍ବାଇ: ଶାହିଦ କପୁରଙ୍କ ବହୁ ପ୍ରତିକ୍ଷିତ ଫିଲ୍ମ 'କବୀର ସିଂହ' ରିଲିଜ ହେବାକୁ ପ୍ରସ୍ତୁତ ହୋଇସାରିଲାଣି । ଫିଲ୍ମଟି ଜୁନ 21ରେ ରିଲିଜ ହେବାକୁ ଯାଉଛି । ଦର୍ଶକଙ୍କ ମଧ୍ୟରେ ଏବେଠାରୁ ଏହି ଫିଲ୍ମକୁ ନେଇ ଉତ୍ସାହ ଦେଖିବାକୁ ମିଳୁଛି । ନିକଟରେ ରିଲିଜ ହୋଇଥିଲା ଫିଲ୍ମର ଶାନଦାର ଟ୍ରେଲର । ଟ୍ରେଲରେ ଫିଲ୍ମର ଗୀତ 'ବେଖୟାଲୀ' ଶୁଣିବା ପରେ ସମସ୍ତଙ୍କ ମୁହଁରେ ଏହି ଗୀତ ଏବେ ମଧ୍ୟ ଶୁଣିବାକୁ ମିଳୁଛି । ଦର୍ଶକ ଦୀର୍ଘ ସମୟରୁ ଏହି ଗୀତର ରିଲିଜକୁ ଅପେକ୍ଷା କରିବସିଥିଲେ ।
ଏବେ ଅପେକ୍ଷାର ଅନ୍ତ ଘଟିଛି । ପରିଶେଷରେ ଆଜି ରିଲିଜ ହୋଇଯାଇଛି 'ବେଖୟାଲୀ' । ଏହା ଏକ ରୋମାଣ୍ଟିକ ନମ୍ବର ଏବଂ ଗୀତରେ ଶାହିଦ ଓ କିୟାର ଆଡୱାନୀଙ୍କ ଜବରଦସ୍ତ କେମେଷ୍ଟ୍ରି ମଧ୍ୟ ଦେଖିବାକୁ ମିଳୁଛି । ଏବେ ସୋସିଆଲ ମିଡିଆରେ ମଧ୍ୟ 'ବେଖୟାଲୀ' ଟ୍ରେଣ୍ଡ କରିବାରେ ଲାଗିଛି । ଗୀତଟିକୁ ଫ୍ୟାନ୍ସଙ୍କ ବେଶ ପ୍ରତିକ୍ରିୟା ମିଳିଛି ।
ପ୍ରକାଶ ଥାଉକି 2017ରେ ଆସିଥିବା ତେଲୁଗୁ ସୁପରଡୁପର ହିଟ୍ 'ଅର୍ଜୁନ ରେଡ୍ଡୀ'ର ହିନ୍ଦୀ ରିମେକ 'କବୀର ସିଂହ' । ଦର୍ଶକଙ୍କୁ ଖୁବ୍ ପସନ୍ଦ ଆସିଥିଲା 'ଅର୍ଜୁନ ରେଡ୍ଡୀ' । ଯାହା ପାଇଁ ରାତାରାତି ସୁପରଷ୍ଟାର ହୋଇଥିଲେ ବିଜୟ ଦେବରକୋଣ୍ଡା । ଫିଲ୍ମରେ ମୁଖ୍ୟ ଭୂମିକାରେ ବିଜୟ ଓ ସଲୀନ ପାଣ୍ଡେ ନଜର ଆସିଥିଲେ । ଏବେ ଦେଖିବା ବାକି ରହିଲା ଶାହିଦଙ୍କ 'କବୀର ସିଂହ'କୁ 'ଅର୍ଜୁନ ରେଡ୍ଡୀ' ଭଳି ସ୍ନେହ ମିଳିବ କି ନାହିଁ ।
- " class="align-text-top noRightClick twitterSection" data="">
