ହାଇଦ୍ରାବାଦ: ବଲିଉଡରେ ପୁଣି ନଜର ଆସିବେ ଟେଲିଭିଜନ ନାଗିନ ମୌନୀ ରୟ । ଏଥର ନବାଜୁଦ୍ଦିନ ସିଦିକଙ୍କ ସହ ରୋମାନ୍ସ କରିବେ ମୌନୀ । ଫିଲ୍ମ ‘ବୋଲେ ଚୁଡିୟାଁ’ରେ ନଜର ଆସିବେ ଦୁହେଁ । ତେବେ ଫିଲ୍ମର ପ୍ରଥମ ପୋଷ୍ଟର ରିଲିଜ ହୋଇଛି ।
ପୋଷ୍ଟରରେ ମୌନୀଙ୍କୁ ଏକ ସାଧାରଣ ଝିଅ ଚରିତ୍ରରେ ଦେଖିବାକୁ ମିଳିଛି । ଅନ୍ୟପକ୍ଷରେ ନବାଜୁଦ୍ଦିନଙ୍କୁ ଆସିକ୍ ଅନ୍ଦାଜରେ ଦେଖିବାକୁ ମିଳିଛି । ଫିଲ୍ମର ପ୍ରଯୋଜନା ଦେଉଛନ୍ତି ରାଜେଶ ଭାଟିଆ ଓ କିରଣ ଭାଟିଆ । ତେବେ ଏହି ଫିଲ୍ମ ଜରିଆରେ ନିର୍ଦ୍ଦେଶନା କ୍ଷେତ୍ରରେ ପାଦ ଦେବେ ନବାଜୁଦ୍ଦିନଙ୍କ ଭାଇ ଶାମ୍ସ ନୱାବ ସିଦିକି ।
ଫିଲ୍ମର ସୁଟିଂ ଚଳିତ ବର୍ଷ ଜୁନରୁ ଆରମ୍ଭ ହେବ । ତେବେ ନବାଜୁଦ୍ଦିନ ଓ ମୌନୀଙ୍କୁ ପ୍ରଥମ ଥର ଏକଠି ଦେଖିପାଇବାକୁ ପାଇବେ ଦର୍ଶକ । ପ୍ରକାଶ ଥାଉକି, ମୌନୀ ଫିଲ୍ମ ‘ମେଡ ଇନ ଚାଇନା’ରେ ରାଜକୁମାରଙ୍କ ସ୍ତ୍ରୀ ଭୁମିକାରେ ନଜର ଆସିବେ । ଅନ୍ୟପକ୍ଷେ ଫିଲ୍ମ ବ୍ରହ୍ମାସ୍ତ୍ରରେ ମଧ୍ୟ ମୌନୀଙ୍କୁ ଦେଖିବାକୁ ମିଳିବ ।
