ମୁମ୍ବାଇ: ଅକ୍ଷୟ କୁମାରଙ୍କ ବହୁପ୍ରତିକ୍ଷିତ ଫିଲ୍ମ 'ମିଶନ ମଙ୍ଗଲ'ର ଟିଜର ଆଜି ରିଲିଜ ହୋଇଯାଇଛି । ଏହି ଫିଲ୍ମ ବୈଜ୍ଞାନିକ ରାକେଶ ଧୱନ ଓ ତାରା ସିନ୍ଦେଙ୍କ ବାସ୍ତବ କାହାଣୀକୁ ନେଇ ଆଧାରିତ । ଯିଏ ମାର୍ସକୁ ସର୍ବପ୍ରଥମେ ସାଟେଲାଇଟ ପଠାଇଥିଲେ । 45 ସେକେଣ୍ଡର ଏହି ଟିଜରରେ ସାଟେଲାଇଟ ମାର୍ସକୁ ପଠାଯିବା ଯାଉଥିବାର ଦେଖିବାକୁ ମଳିଛି ।
- " class="align-text-top noRightClick twitterSection" data="">
ଏହି ଅବସରରେ ଅକ୍ଷୟ ଇନଷ୍ଟାଗ୍ରାମରେ ଟିଜରଟିକୁ ସେୟାର କରି କ୍ୟାପସନରେ ଲେଖିଛନ୍ତି, "ଗୋଟିଏ ଦେଶ, ଗୋଟିଏ ସ୍ବପ୍ନ, ଗୋଟିଏ ଇତିହାସ । ଭାରତର ବାସ୍ତବ କାହାଣୀ ସ୍ପେଶମିଶନ ଟୁ ମାର୍ସ ଏହିଠାରେ । ମିଶନ ମଙ୍ଗଲ ଟିଜର ଆଉଟ ନାଓ ।"
ଟିଜରରେ ଅକ୍ଷୟ ନିଜକୁ ରାକେଶ ଧୱନ କହି ପରିଚୟ କରାଉଛନ୍ତି । ଯିଏ ଭାରତର ପ୍ରଥମ ସାଟେଲାଇଟ ଲଞ୍ଚିଂ କରୁଥିବାର ଦେଖାଯାଉଛନ୍ତି । ଏହାସହ ଏହି ଭିଡିଓରେ ବିଦ୍ୟା ବାଲନ, ସୋନାକ୍ଷୀ ସିହ୍ନା, ତାପସୀ ପନ୍ନୁ, ନିତିଆ ମେନନ, କ୍ରିତି କୁଲକର୍ଣ୍ଣୀ ଓ ସରମନ ଯୋଶୀ ମଧ୍ୟ ନଜର ଆସୁଛନ୍ତି ।
- " class="align-text-top noRightClick twitterSection" data="
">
ଟିଜର ଶେଷରେ ଆକାଶର କୌଣସି ସୀମା ନଥାଏ ଲେଖାଯାଇଛି । ଏହାସହ ଟିଜରରେ ଶାନଦାର ଭିଜୁଆଲ ଇଫେକ୍ଟସ ମଧ୍ୟ ଦିଆଯାଇଛି । ଯାହା ଦର୍ଶକଙ୍କୁ ନିଜ ଆଡକୁ ଆକର୍ଷିତ କରିବାରେ ସଫଳ ହେବ ବୋଲି ଆଶା କରୁଛନ୍ତି ମେକର୍ସ ।
ପ୍ରକାଶ ଥାଉକି ଫିଲ୍ମଟି ସ୍ବାଧୀନତା ଦିବସରେ ରିଲିଜ ହେବ । ଆଉ ଏଥର ଅକ୍ଷୟଙ୍କ ଫିଲ୍ମ ସହ ଜନ ଆବ୍ରାହମଙ୍କ 'ବାଟଲା ହାଉସ' ରିଲିଜ ହେବାକୁ ଯାଉଛି । ଖାଲି ଏତିକି ନୁହେଁ ତେଲୁଗୁ ସୁପରଷ୍ଟାର ପ୍ରଭାସ ଓ ଶ୍ରଦ୍ଧା କପୁରଙ୍କ ଅଭିନୀତ ଫିଲ୍ମ 'ସାହୋ' ମଧ୍ୟ ଏକା ଦିନରେ ରିଲିଜ ହେବ । ଏଥର ବକ୍ସ ଅଫିସରେ କଡା ଟକ୍କର ଦେଖିବାକୁ ମିଳିବ ।
