ମୁମ୍ବାଇ: 'ବ୍ଲାକ ଫ୍ରାଇଡେ', 'ଗୁଲାମ' ଏବଂ 'ପଟିୟାଲ ହାଉସ' ଭଳି ଫିଲ୍ମରେ ନଜର ଆସିସାରିଥିବା ଅଭିନେତା ସାଭୀ ସିଦ୍ଧୁଙ୍କ ସ୍ଥିତି ସମସ୍ତଙ୍କୁ ଉଣା ଅଧିକେ ଜଣାଥିବ। ତାଙ୍କ ହାତରେ କୌଣସି କାମ ନଥିବାରୁ ସେ ଜଣେ ସୁରକ୍ଷା ଗାର୍ଡ ରୂପେ ଚାକିରୀ କରୁଥିବାଦେଖାଯାଇଛନ୍ତି । ଯାହାକୁ ନେଇ କିଛି ଦିନ ହେବ ବଲିଉଡରେ ଚର୍ଚ୍ଚା ଜୋର ଧରିଛି ।
ଇତିମଧ୍ୟରେ ତାଙ୍କର ଭାଗ୍ୟ ବଦଳିଛି । ଆଜ୍ଞା ହଁ, ତାଙ୍କୁ ପପୁଲାର ସିଙ୍ଗର ମିକା ସିଂ ତାଙ୍କୁସହଯୋଗର ହାତ ବଢାଇଛନ୍ତି । ଖବର ଅନୁଯାୟୀ ମିକା ନିଜର ଆଗାମୀ ଫିଲ୍ମ 'ଆଦତ'ରେ ସାଭୀଙ୍କୁ ଅଭିନୟ କରିବାକୁ ଅଫର ଦେଇଛନ୍ତି ।
ପ୍ରକାଶ ଥାଉକି ଏହି ଫିଲ୍ମରେ ବି-ଟାଉନର ହଟ୍ ଅଭିନେତ୍ରୀ ବିପାଶା ବାସୁ ଓ ତାଙ୍କ ସ୍ବାମୀ କରନ ସିଂହ ଗ୍ରୋବର ମୁଖ୍ୟ ଭୂମିକାରେ ନଜର ଆସିବେ । ମିକା ଏହି ଫିଲ୍ମର ପ୍ରଯୋଜନା ଦାୟିତ୍ବ ନେଇଛନ୍ତି । ଯେତେବେଳେ ଏହି ବିଷୟରେ ସାଭୀଙ୍କୁ ପ୍ରଶ୍ନ କରାଯାଇଥିଲା । ତେବେ ସେ ଉତ୍ତରରେ କହିଥିଲେ କି ତାଙ୍କ ବନ୍ଧୁ ତାଙ୍କୁ ଜଣାଇଥିଲେ କି ମିକା ତାଙ୍କ ସହ ସମ୍ପର୍କ କରିବାକୁ ଚେଷ୍ଟା ଚଳାଇଛନ୍ତି ।
ଏହାପରେ ମିକା ତାଙ୍କୁ ସିଧାସଳଖକହିଥିଲେ କି ତୁମକୁ ଏହି ଚାକିରୀ କରିବାର ଆବଶ୍ୟକତା ନାହିଁ । ଏବେଠାରୁ ତାଙ୍କ ଗ୍ରୁପରେ କାମ କରିବ।
ଏହାର ଗୋଟିଏ ଦିନ ପରେ ମିକା ତାଙ୍କୁ ନିଜ ଘରକୁ ନେବା ପାଇଁ ଗାଡି ପଠାଇଥିଲେ । ସେ କିଛି ନୂଆ ପୋଷାକ ଏବଂ ଖାଦ୍ୟ ଖାଇବାକୁ ମଧ୍ୟ ଦେଇଥିଲେ । ଆଗାମି 10 ଦିନ ମଧ୍ୟରେ ମିକାଙ୍କ ସହ କାମ କରିବା ଆରମ୍ଭ କରିବେ ବୋଲି କହିଛନ୍ତି ସାଭୀ ।
କିଛି ଦିନ ପୂର୍ବରୁ ସାଭୀଙ୍କ ଖବର ସୋସିଆଲ ମିଡିଆରେ ଦେଖିବା ପରେ ମିକା ଟ୍ବିଟ କରି ସମସ୍ତଙ୍କୁ କହିଥିଲେ ସାଭୀଙ୍କ ନମ୍ବର ତାଙ୍କୁ ଦେବାକୁ । ବାସ୍ତବରେ ସାଭୀଙ୍କୁ ସାହାଯ୍ୟ କରିବାକୁ ଇଚ୍ଛା ପ୍ରକାଶ କରିଥିଲେ ମିକା ।
