ମୁମ୍ବାଇ: ଟ୍ବିଟରରେ ବର୍ତ୍ତମାନ #MeAT20 ଟ୍ରେଣ୍ଡ କରୁଛି । ଏହି ଚ୍ୟାଲେଞ୍ଜକୁ ଗ୍ରହଣ କରି ୟୁଜର୍ସ 20 ବର୍ଷ ବୟସର ଫଟୋ ଏବେକା ଫଟୋ ସହ କୋଲାଜ କରି ସେୟାର କରିବାରେ ଲାଗିଛନ୍ତି। ଏଥିରୁ ବାଦ ପଡିନାହିଁ ବଲିଉଡ। ସେଲିବ୍ରିଟି ମଧ୍ୟ ସୋସିଆଲ ମିଡିଆରେ ନିଜ ନିଜ ଫଟୋ ସେୟାର କରିବାରେ ଲାଗିଛନ୍ତି । ଭଇରାଲ ହେଉଥିବା କିଛି ଫଟୋରେ ଆଜିର ଫେମସ ଷ୍ଟାର୍ସଙ୍କୁ ଚିହ୍ନବା ଫ୍ୟାନ୍ସ ପାଇଁ କଷ୍ଟ ସାଜିଛି।
ଏହି କ୍ରମରେ ସର୍ବପ୍ରଥମ ନାମ ବିଶିଷ୍ଟ ଅଭିନେତା ଅନୁପମ ଖେରଙ୍କର ଆସୁଛି । ସେ ନିଜ ଜୀବନର ଦୁଇଟି ଫଟୋ ସେୟାର କରି ଫ୍ୟାନ୍ସଙ୍କୁ ଆଶ୍ଚର୍ଯ୍ୟ କରିଦେଇଛନ୍ତି । ଆଉ ଏହାର କ୍ୟାପସନରେ ଲେଖିଛନ୍ତି, ‘ଯୁବାବସ୍ଥାରେ ଆମେ ଶିଖିଥାଉ। ବୟସ ବଢିବା ସହ ଏହାକୁ ବୁଝିଥାଉ।’
ସେହିପରି ହ୍ୟାଣ୍ଡସମ ଆକ୍ଟର ରଣଦୀର ହୁଡ୍ଡା ଏହି ଚ୍ୟାଲେଞ୍ଜକୁ ଗ୍ରହଣ କରିଛନ୍ତି। ସେ 20 ବର୍ଷ ବୟସର ଫଟୋ ସେୟାର କରି ଲେଖିଛନ୍ତି, ‘ମୁଁ 20 ବର୍ଷ ବୟସରେ’।
ଫେମସ ଗାୟକ ଅଦନାନ ସାମୀ ନିଜର ଯୁବାବସ୍ଥାର ଫଟୋ ସେୟାର କରି କ୍ୟାସନରେ ଲେଖିଛନ୍ତି, ‘ଦେଖନ୍ତୁ 20 ବର୍ଷ ବୟସର ଫଟୋ।’
ଅଭିନେତ୍ରୀ ତଥା ନେତ୍ରୀ ଗୁଲ ପନାଗ ମଧ୍ୟ ନିଜ 20 ବର୍ଷ ବୟଷର ଫଟୋ ସେୟାର କରିଛନ୍ତି। ଯେଉଁଥିରେ ସେ ବ୍ଲାକ ଆଣ୍ଡ ହ୍ବାଇଟ ବିକିନିରେ ନଜର ଆସୁଛନ୍ତି।
ଆଲିୟା ଭଟ୍ଟଙ୍କ ମା ତଥା ବିଶିଷ୍ଟ ଅଭିନେତ୍ରୀ ସୋନି ରାଜଦାନ ଟ୍ବିଟରରେ ପୁରୁଣା ଫଟୋ ସେୟାର କରି ଲେଖିଛନ୍ତି, ‘ମତେ ବିଶ୍ବାସ ଅଛି ଯେ ଏହି ଫଟୋରେ ମୁଁ 20 ବର୍ଷର ଥିଲି।’ ଆପଣ ମଧ୍ୟ ଦେଖନ୍ତୁ ସେଲିବ୍ରିଟିଙ୍କ ଯୁବାବସ୍ଥା ।
