ମୁମ୍ବାଇ: ବି-ଟାଉନର ସଞ୍ଜୁ ବାବା ସଞ୍ଜୟ ଦତ୍ତଙ୍କ ପତ୍ନୀ ମାନ୍ୟତା ଦତ୍ତ ଆଜି 42 ବର୍ଷରେ ପଦାର୍ପଣ କରିଛନ୍ତି । ଲକଡାଉନ ପୂର୍ବରୁ ସେ ନିଜ ଦୁଇ ପୁଅ-ଝିଅ ଇକରା ଓ ଶାହରାମଙ୍କ ସହ ଦୁବାଇ ଯାଇଥିଲେ। ସେହି ସମୟଠୁ ସେ ଏଯାବତ ଦୁବାଇରେ। ଏହି କାରଣ ପାଇଁ ସେ ଦୀର୍ଘ ସମୟରୁ ସ୍ବାମୀ ସଞ୍ଜୟଙ୍କଠୁ ଦୂରରେ ଅଛନ୍ତି। ସେପଟେ ପତ୍ନୀଙ୍କ ଜନ୍ମଦିନରେ ପାଖରେ ନଥିବା ସଞ୍ଜୟ ତାଙ୍କ ସୋସିଆଲ ମିଡିଆରେ ସ୍ପେଶାଲ ପୋଷ୍ଟ ସେୟାର କରି ନିଜ ପ୍ରେମ ପ୍ରକାଶ କରିଛନ୍ତି ।
- " class="align-text-top noRightClick twitterSection" data="
">
ସେ ଇନଷ୍ଟାଗ୍ରାମରେ ପତ୍ନୀଙ୍କ ସହ ନିଜର ଏକ ଭିଡିଓ ସେୟାର କରିଛନ୍ତି । ଆଉ ଏହାର କ୍ୟାପସନରେ ଲେଖିଛନ୍ତି, ‘ହାପି ବର୍ଥ ଡେ ମମ । ମୋ ଜୀବନରେ ଆସି ସୁନ୍ଦର ଜୀବନ ମୋତେ ଦେଉଥିବାରୁ ତୁମକୁ ଅନେକ ଅନେକ ଧନ୍ୟବାଦ। ତୁମେ ଶାନଦାର ମଣିଷ, ମୁଁ ତୁମକୁ ବହୁତ ପ୍ରେମ କରୁଛି । ଖାସ୍ ଆଜି ମୁଁ ପିଲା ଆଉ ତୁମ ସହ ଥାଆନ୍ତି । ହେଲେ ଆଶା କରୁଛି ଆଜି ତୁମ ଦିନ ସ୍ପେଶାଲ ହେବ । ଯେମିତି ତୁମେ ମୋ ପାଇଁ ସ୍ପେଶାଲ । ’
ପ୍ରକାଶ ଥାଉକି ସଞ୍ଜୟ, ମାନ୍ୟତାଙ୍କୁ ସବୁବେଳେ ମମ ଡାକନ୍ତି। ତାଙ୍କ ଏହି ପୋଷ୍ଟରେ ଝିଅ ତ୍ରିଶଲା କମେଣ୍ଟ କରି ଲେଖିଛନ୍ତି, ‘ମାନ୍ୟତା ଲଭୟୁ।’ ସଞ୍ଜୟଙ୍କ ପ୍ରଥମ ପତ୍ନୀ ରିଚା ଶର୍ମାଙ୍କ ଝିଅ ତ୍ରିଶଲା । ହେଲେ ମାନ୍ୟତାଙ୍କ ସହ ତ୍ରିଶଲାଙ୍କ ଭଲ ବଣ୍ଡିଂ ସବୁବେଳେ ଦେଖିବାକୁ ମିଳେ।
