ମୁମ୍ବାଇ: ଦେଶରେ ନିର୍ବାଚନ ବାତାବରଣ ଦେଖିବାକୁ ମିଳୁଛି ।ଏପ୍ରିଲରୁ ଆରମ୍ଭ ହେବାକୁ ଥିବା 17ତମ ଲୋକସଭାକୁ ନେଇ ଦେଶବାସୀଙ୍କ ମଧ୍ୟରେ ଚର୍ଚ୍ଚା ଖୁବ୍ । ଏଥିରୁ ବାଦ ପଡିନାହାଁନ୍ତି ବି-ଟାଉନ ଷ୍ଟାର୍ସ । ଏବର୍ଷ ଲୋକସଭା ନିର୍ବାଚନରେ ଅନେକ କଳାକାରଙ୍କ ନାମ ସାମ୍ନାକୁ ଆସୁଛି ।ଯେଉଁମାନେ ନିଜ ପସନ୍ଦୀୟ ଦଳ ସହ ହାତ ମିଳାଇଥିବାର ଦେଖାଯାଇଛନ୍ତି ।
ଇତିମଧ୍ୟରେ ରଙ୍ଗୀଲା ଗର୍ଲ ଉର୍ମିଲା ମାତୋଣ୍ଡକରକୁ ନେଇ ଚାଲିଛି ଚର୍ଚ୍ଚା । ଶୁଣିବାକୁ ମିଳୁଛି ଯେ ସେ ମଧ୍ୟ ରାଜନୀତିରେ ପଦାର୍ପଣ କରିବେ । ଆସନ୍ତା ଦୁଇରୁତିନି ଦିନ ମଧ୍ୟରେ ସେ କଂଗ୍ରେସରେ ଯୋଗ ଦେବେ। ଶୁଣିବାକୁ ମିଳୁଛି ଯେ ଉର୍ମିଲା କଂଗ୍ରେସ ନର୍ଥ ମୁମ୍ବାଇ ଲୋକସଭା ସିଟରୁ ପ୍ରାର୍ଥୀ କରାଯିବ ।
ଏହି ସିଟରୁ ବିଜେପି ଗୋପାଲ ସେଟ୍ଟୀଙ୍କୁ ନିଜର ପ୍ରାର୍ଥୀ ରୂପେ ବାଛିଛି। ଗ୍ଲାମରଚେହେରାକୁ ମଇଦାନରେ ଓହ୍ଲାଇବା ନେଇ ରଣନୀତି ପ୍ରସ୍ତୁତ କରିଛି କଂଗ୍ରେସ । ଏହି କାରଣ ପାଇଁ ଉର୍ମିଲାଙ୍କୁ ନିର୍ବାଚନରେ ଓହ୍ଲାଇବା ନେଇଜୋରସୋରପ୍ରସ୍ତୁତି ଚାଲିଛି ।
ପ୍ରକାଶ ଥାଉକି ନିର୍ବାଚନ ପାଇଁ ନର୍ଥ ମୁମ୍ବାଇରୁ ମରାଠୀ ଅଭିନେତ୍ରୀ ଆସାୱରୀ ଯୋଶୀ ଏବଂ ଶିଳ୍ପା ସିନ୍ଦେ କଂଗ୍ରେସ ଟିକେଟ ମାଗିଛନ୍ତି । କିନ୍ତୁ ଏଯାବତ ଏହା ଉପରେ କୌଣସି ନିଷ୍ପତ୍ତି ନିଆଯାଇନାହିଁ । 2014ଲୋକସଭା ନିର୍ବାଚନରେ କଂଗ୍ରେସ ତରଫରୁ ନର୍ଥ ମୁମ୍ବାଇରେ ସଞ୍ଜୟ ନିରୁପମ ନିର୍ବାଚନ ଲଢିଥିଲେ । କିନ୍ତୁ ବିଜେପି ନେତା ଗୋପାଲଙ୍କ ଠାରୁ ହାରିଯାଇଥିଲେ ।
