ମୁମ୍ବାଇ: ବିଶିଷ୍ଟ ଅଭିନେତା ଇରଫାନ ଖାନଙ୍କ ଘରେ ବର୍ତ୍ତମାନ ଶୋକ ଛାୟା । ଶନିବାର ସନ୍ଧ୍ୟାରେ ତାଙ୍କ ଜୟପୁର ଘରେ ଶେଷ ନିଶ୍ବାସ ତ୍ୟାଗ କରିଥିଲେ ତାଙ୍କ ମା' ସଇଦା ବେଗମ । ଦୀର୍ଘ ସମୟରୁ ସେ ବାର୍ଦ୍ଧକ୍ୟ ଜନିତ ରୋଗରେ ଆକ୍ରାନ୍ତ ଥିଲେ । ଏହି କାରଣ ପାଇଁ ତାଙ୍କ ଦେହାନ୍ତ ହୋଇଛି । ହେଲେ ଶେଷ ସମୟରେ ଇରଫାନ ମା'ଙ୍କୁ ଦେଖିପାରିନାହାନ୍ତି । ଯାହାକୁ ନେଇ ସେ ଖୁବ୍ ଦୁଃଖିତ ।
ଲକଡାଉନ ପାଇଁ ସେ ମୁମ୍ବାଇରେ ଥିବା ଯୋଗୁଁ ଜୟପୁର ଯାଇପାରିନଥିଲେ । ଆଉ ଭିଡିଓ କଲିଂ ଦ୍ବାରା ମା'ଙ୍କ ଅନ୍ତିମ ସଂସ୍କାରରେ ସାମିଲ ହୋଇ ମା'ଙ୍କୁ ଶେଷ ବିଦାୟ ଦେଇଛନ୍ତି । ଏପରିକି ସେ ଭିଡିଓ କଲିଂରେ ବିଧି-ବିଧାନ ଅନୁଯାୟୀ ସବୁ କାମ ମଧ୍ୟ କରିଥିଲେ ।
ପ୍ରକାଶ ଥାଉକି ସଇଦା ନୱାବ ବଂଶର ଝିଅ । ତାଙ୍କର ତିନି ପୁଅ ଇରଫାନ, ସଲମାନ ଓ ଇମରାନ ।
