ମୁମ୍ବାଇ: ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟାରେ ଦୁଇଟି ରାଜ୍ୟର ପୋଲିସ ତଦନ୍ତ କରୁଛନ୍ତି । ହେଲେ ଏଯାବତ ପୋଲିସ ହାତରେ କୌଣସି ସଠିକ୍ ଜିନିଷ ଲାଗିନାହିଁ । ଯାହାଦ୍ବାରା ସମସ୍ତଙ୍କ ପାଇଁ ସୁଶାନ୍ତଙ୍କ ମୃତ୍ୟୁ ରହସ୍ୟମୟ ହୋଇ ରହିଛି । ପ୍ରତି ଦିନ ସୁଶାନ୍ତଙ୍କୁ ନେଇ ନୂଆ ନୂଆ ଖବର ସାମ୍ନାକୁ ଆସିବାରେ ଲାଗିଛି । ଯାହା ଅନେକ ପ୍ରଶ୍ନବାଚୀ ସୃଷ୍ଟି କରୁଛି । ଇତିମଧ୍ୟରେ ଆଶ୍ଚର୍ଯ୍ୟକର ଖବର ପୁଣି ଶୁଣିବାକୁ ମିଳୁଛି ।
କଥାଟି ହେଲା ଯେ ସୁଶାନ୍ତଙ୍କ ବନ୍ଧୁ ସ୍ମିତା ନିକଟରେ ଏକ ସାକ୍ଷାତକାରରେ କହିଥିଲେ ଯେ ସୁଶାନ୍ତଙ୍କ ଆଉ ଜଣେ ଫ୍ଲାଟମେଟ ଥିଲେ ସାମୁଏଲ ହକିପ । ଯାହାପରେ ତାଙ୍କ ମୃତ୍ୟୁ ଖବର ସୋସିଆଲ ମିଡିଆରେ ଚର୍ଚ୍ଚାର ବିଷୟ ପାଲଟିଥିଲା । ହେଲେ ଏବେ ସାମୁଏଲ ସାମ୍ନାକୁ ଆସି ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛନ୍ତି ।
ସେ ଇନଷ୍ଟାଗ୍ରାମ ଷ୍ଟୋରୀରେ ଏକ ପୋଷ୍ଟ କରି ଲେଖିଛନ୍ତି, ‘ସମସ୍ତଙ୍କୁ ହାଲୋ, ସମସ୍ତଙ୍କୁ ଧନ୍ୟବାଦ ସୁଶାନ୍ତଙ୍କୁ ସପୋର୍ଟ କରୁଥିବାରୁ । ମୁଁ ଠିକ୍ ଅଛି ଆଉ ବଞ୍ଚିଛି ମଧ୍ୟ । ମୋର ଆକାଉଣ୍ଟ ଅନ୍ୟ କେହି ବ୍ୟବହାର କରୁନାହାଁନ୍ତି । ସୁଶାନ୍ତଙ୍କୁ ଏପରି ସମର୍ଥନ କରୁଥିବାରୁ ମୋ ହୃଦୟରୁ ଆପଣଙ୍କୁ ଧନ୍ୟବାଦ ଜଣାଉଛି।’
ଖାଲି ଏତିକି ନୁହେଁ ସେ ଇନଷ୍ଟାରେ ଲାଇଭ ଆସି ସୁଶାନ୍ତଙ୍କ କଥିତ ଗାର୍ଲଫ୍ରେଣ୍ଡ, ଅଭିନେତ୍ରୀ ରିଆ ଚକ୍ରବର୍ତ୍ତୀ ଓ ତାଙ୍କ ଅନ୍ୟ ଫ୍ଲାଟମେଟ, କ୍ରିଏଟିଭି ମ୍ୟାନେଜ ସିଦ୍ଧାର୍ଥ ପିଠାନୀଙ୍କ ବିଷୟରେ ମଧ୍ୟ ଆଲୋଚନା କରିଥିଲେ । ଆଉ କହିଥିଲେ ସିଦ୍ଧାର୍ଥ ଓ ରିଆ ପରସ୍ପରର ଭଲ ବନ୍ଧୁ।
